MINKUNGA.
113.
Nkembo kuidi Yave ! Luzitisa Yave luzitisa beno bisadi bi Yave ; luzitisa dizina di Yave. 
Bika dizina di Yave dizitusu tona buabu nate mu zithangu zioso ; 
Bika dizina di Yave dizitusu tona kuntotukilanga thangu nate ku buangu yeti diamina. 
Yave widi wuyayusu ku yilu makanda moso, nkembo andi ku mbata diyilu. 
Nani dedikini banga Yave, Nzambi, eto niandi wutula kundu kiandi ki kipfumu ku yilu 
mutu wowo weti yinama mu tala diyilu ayi ntoto e ? 
Weti totula nsukami mu mbungi-mbungi ; ayi niandi weti vumbula nkua kiadi mu dikuka di dibombi. 
Weti kuba vuandisa va kimosi ayi bana ba mintinu va kimosi ayi bana ba mintinu mi batu bawu. 
Niandi wuvuandisa sita ki nketo mu nzo ; banga ngudi yi bana yilembo moni khini Luzitisa Yave.