2
Evetu Genembo Gogore Arera Ava, God Nunda Mandi Mutari Foa Ne Darira.
1 Endada oro oro redae God dodo janje ekoko eraeri?
Ne redae manaka beká irae ava gayeraeri?
2 Endada kini (king) mane God ighagha use irera.
Nenda kokotofu, Bajari a nunda Genembo
gategusira aikena,
osogo ari dae sedo dabade tatedo irera.
3 “Namonde nenda agho dari do buvore!”
“Nenda sari fuge doyore!” aminge seraera.
4 Bajari nunda anumba vasa utuda anumbirise, gegha jise,
ne tefo tefo manaka gayeraera aindae dere jiraira.
5 God nu dubo eko edo
oju aoro dae resira.
6 “Nanda kini ututu kakara Saion,* Saion mo, ututu ijoghako eini bogu begaya Jerusalem jokáda irira. Avata, Banungari da Buku mave gefusera, kotugo feroveta mane mendeni bogu begaya Jerusalem dae sise, Saion gefuseri. Kau daba aminga ava, sifo mendeni, God da Tafaroro Kambo kakara use, Saion gefuseri.
aminda fiteno irira,” Bajari aminge resira.
7 Kini doriri aminda irira, aimi resira,
“Nu nandae sisira, ” Ni nanda Mandiri.
Na oroko nimokena resena,
“Na ninda Afa bekári.
8-9 Benunu saresa, na natofo isambu ninda ungoda fitarena.
Ne kefata aurimi ari aimi de bejaresa.
Kau okia fugeoro, du de fusuruma eraira, aminga ava aso itatama arera.
Enda isambu ninda tofo arira.
10 Avori, endada kini mane a giti jighari nemokena resena,
erá mema eove dae sise, dubo kotise nanda geka ningivu!”
11 Oju igheghi ghae Bajari tumonde bainghaore!
Ghamo dadada ghururari nundae ivuga aore!
12 Nu janje eko totoi totoi eraira.
Ava sedo, erama janje eko edo nimo sari totoi totoi ambeoso dae sedo,
God da Mandikena kauboi dadarigedo tumonde bainghe!
Mave numokena ambo sose feteraira amo,
ivugaghae irarira.
*2:6: Saion mo, ututu ijoghako eini bogu begaya Jerusalem jokáda irira. Avata, Banungari da Buku mave gefusera, kotugo feroveta mane mendeni bogu begaya Jerusalem dae sise, Saion gefuseri. Kau daba aminga ava, sifo mendeni, God da Tafaroro Kambo kakara use, Saion gefuseri.