19
1 Utu enda God etiri sirorusira ainda jokáda, God da usasa iri eregosena!
Nu kau nangega etiri sirorusira amo, isagha beká iri eregosena!
2 Eri! Ungobu use tumba jireari, inua a damana janimberaira, a sifoghae sifo ate areghurureari ainda jokáda,
na God da duro ava gosuse koteraena.
3 Iji, inua, a damana mo, geka vironu jo sae eraira.
4 Avata nenda duro, evetu genembo reda irera,
isambu gi kasama erera.
Utu mo, iji da irari vasadae God esimbugusira.
5 Iji da duro mo, kau gimasa nunda datu gagara unumbari dae sedo,
gogho edo, kamboda ghe foa buvuraira, ainda kaugori.
6 Nu sovenikena vitido, ya jarige sovenikena voseraira.
Nunda usasa a vevera mo, ave jo darigari da kaugo iraeri.
7 Bajari da Agho Dari jo sembae iraeri, isambu eveva vanembori.
Ningarena amo, na ivugaghae irá ghedo gharena. Ningido tumondarena amo, na jo gofae arena.
Genembo kotari tufako ningarira amo, jiro afigari dubo kotarira.
8 Bajari da Agho Dari isambu, beká avanembori.
Na Agho Dari amo ningido amingarena amo, na ivugaghae irá ghedo gharena.
Bajari da Agho Dari amo, inono a dambu bekári.
Kotarena amo, munju afigarira.
9 Bajari da tumonde bainghari mo, evevagori.
Sifo ghousa, aminguse irarena.
Bajari ijujeraira amo, nu inononda ategi eraira.
Geka beká seraira amo, evovodae irarira.
10 Bajari dae uju use, mamaso ari mo, jo kau auri “gold” evevago a finje da firukago iraeri.
Roera resena emo, kikitakori. Nu mindafu bekári.
11 Na ninda saramana katori.
Na ninda Geka a Agho Dari tegarena amo, kotari seka sirorari barena.
Ninda Geka jokáda rea resira ava arena amo, na jebugarena.
12 Na ari ekoko mendeni usena ava kotae edo, jo vujegae irena ava, nine giraesa amo,
joka edo, kote doyaso dae resena.
13 Na tavo use buregururaso,
erá eko eniimi foa dereuri, na gofedo gogore eone!
Amingururaso, na ari eveva avanembo aone!
Erá ari eko teria irira aimi, na unumbeuri eko beká ainda jokáda teredo ambeone!
14 Sonembururaso, na dubo kotise, geka eveva avanembo sirurono ningido, ivuga aetesi!
Arie, Bajari, ni nanda jebuga kaifa eraesa, a na sonemberaesa.