38
Kae Tambudo Mema Itatama Use Banungariri.
1 Arie, Bajari, erá ninda janje ekoimi na dombuda seose!
2 Ai resira amo, na ninda feva da gorobaimi na gaetesi.
Na nine deteso du faseteni.
3 Ninda janje eko etesa, aimi na tamo mema teria futo itatama erena.
Nanda ari ekoko teria futo aindae, nanda tamo isambu gambisi gambisi etira.
4 Ai resira amo, nanda ari ekoko teriago beká aimi afurugetiri, usegha jokáda mindi ambari gerena.
Nanda ari ekoko da mema ava bouvugori, jo nane fumbarigo iraeri.
5 Nanda gogore tamonda tamo gambisi futo edo masa use metegerira.
6 Na kukurufa use, otombedo, isonga numboro sorara urureono, tumba jiraira.
7 Kae tambudo, tamo veriveri teria beká iri, ambari dae erena.
8 Na rojari beká edo, fakina dadabetiri, nanda janje feriferi ghuse,
mema siri, aoro sise fasirena.
9 Arie, Bajari, na rea uju eraena, ni isambu kasama eresa.
Na aoro sise fasirena ábarago, isambu niningeresa.
10 Nanda janje feriferi ghiri, na rojari beká eteni. Namokena ivuga isambu dadabetira.
11 Na tamo gambisi beda etiri, aindae nanda kokomana a nano namendi itako jo foa nanda tinguda fetae eraera.
Nanda ambo bego ajagha beká irá gheraera, jo foa na gae eraera.
12 Evetu genembo namo daoro ambono dae uju use, ivasi fifitigeraera.
Evetu genembo mendeni na mema itatama use gofono dae sise, manaka gayeraera.
13 Namo dengoro gajetiri a guga embo da kaugo use, beka jo sae eraena.
14 Na guga a dengoro irae embo mave geka jo ningae irise, mino jo sae eraira da kaugori.
15 Avata, Bajari, nanda tumondari nimokena fifituse irá gheraena.
Kotugo, Bajari nanda God, nanda benunu ningido sonembaresa.
16 Erá doyeoso, na mema eretafena aindae, gitofu na dere jiriore!
Erá doyeoso, nane dara aono, nandae “makoede” sise, na bu gego yaru kena fifituse, dere jireore!
17 Ai resira amo, nanda kae teria beká saviri, na durari dae itatako erena.
18 Na nanda ari ekoko vujegeraena. Nanda kosasa aindae mema use irena.
19 Nanda gitofu fakina kakatori, ne kae itako jo tambae eraera.
Ne susu tefo na imboe gamboe eraera.
20 Na ari dambugo ari dae inini use irá gheraena aindae, evetu genembo mendeni nandae osogo eraera.
Na nendae ari eveva eraena, avata namokena ari ekoko eraera.
21 Arie, Bajari, erá na doyeose!
Nanda God, erá na darige, soka yeose!
22 Arie, Bajari, namo saso jebugari kato nimori, oroko namo sonembe!