115
God Beká Mo Dabakori.
1 Arie Bajari, ninda beka gajari nanjogo eteso fefetusira, kotugo namanedae ghamo buraesa aindae,
namane nisuka nimoa kakara use ninda javo jighoro erarira. Jo evetu genembo eni kakara ae arera.
2 Redae oro mendeni namanekena ategi emingeraeri? “God nene tumonde baingheraeva amo reda iri?”
3 Namondeda God mo utuda irira. Nu rea uju eraira, amo ava eraira.
4 O evetu genembo mendeni da god mane beká iritiraeri, siliva (silver) kotugo goldi (gold) imi ariri,
evetu genemboimi tefo ghabuimi ututuseri.
5 Ne beka ghaeri, avata beka jo sae eraera, ne diti ghaeri, avata ditii jo gae eraera.
6 Ne dengoro ghaeri, avata jo ningae eraera, ne mendo ghaeri, avata masa jo fumbae eraera.
7 Ne ungo ghaeri, avata jo sire bae eraera, ne ata ghaeri, avata jo fete ya foa ghae eraera, ne ghoreghore duka tefori.
8 Ove mave kevarira, kotugo mave nenda tumondari aminda fitarira amo,
nenda ove mane da kakaugo aoro dae sise resena.
9 Arie, natofo Israel embo, nenda tumondari Bajari kena fitivu! Ne nune sonembuse, gagara eraira.
10 Arie, God da fristi mane, nenda tumondari Bajari kena fitivu! Ne nune sonembuse, gagara eraira.
11 Arie, ne mave Bajari dae igheghi use, numoa tumonde baingheraeva, nemokena resena.
Nenda tumondari Bajari kena fitivu! Ne nune sonembuse, gagara eraira.
12 Bajari nune namonde kotise esimbugarira. Namonde Israel embo a God da fristi mane dabade isambu
nune esimbugarira.
13 Evetu genembo isasambu numoa kakara eraera ava, binode kotugo bino iraede dabade nune esimbugarira.
14 Na uju erena Bajari nemokena mandi sasingu digarigo nemokena,
kotugo nenda imemisiri gamemisiri amboda sirorarera aikena mutaeti.
15 Na uju erena, Bajari utu a enda usira aimi ne esimbugaeti!
16 Utu mo, Bajari nusuka nunda reighiri. O enda mo, namonde evetu genembo kena futusira.
17 Evetu genembo amomonjegedo, ambari embo da vasada vosedo irera amo, ne Bajari dae sakai jo sae eraera.
18 O namonde jebuga emboimi numokena aiyakoe sarera, oroko a evovodae!
Bajari dae sakai saore!