Yaru Divariri.
131.
Arie Bajari, na ivuga use, nandae sakai saore dae edo ghusena ava imboe edo dotutuse, meka irae namo gaore dae jajaghedo ghusena ava dotutuseni. Na roera babaigo garigarigo kokotofu kasama kakato da ari jo nanda ari da kaugo irae ava ari dae jo kotari futo ae eraena. 
Tatera, na durumugeteno nanda janje joká jama etira. Kau sasingu ami mindari noi da ami gambu beka do songhe fase irá gheraira aminga ava, nanda janje joká isambu songhetira. 
Arie Israel embo, oroko eitano sifo ghousa evovodae nenda tumondari Bajari kena fifituse irivu!