EZRA.
2.
Mwet puspis sin mwet sruoh elos som liki acn Babylon ac folokla nu Jerusalem ac Judah, kais sie nu yen sel sifacna. Sou lalos elos tuh muta in sruoh in acn Babylonia na e tukun pacl se King Nebuchadnezzar el tuh sruokolosi ac usalosla nu we. 
Mwet kol lalos pa Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, ac Baanah. Pa inge inen sou lulap nukewa lun Israel, wi pisen mwet ke kais sie sou su folok liki sruoh: 
Sou lal Parosh — mwet 2,172 
Sou lal Shephatiah — 372 
Sou lal Arah — 775 
Sou lal Pahath Moab (fwil nutin Jeshua ac Joab) — 2,812 
Sou lal Elam — 1,254 
Sou lal Zattu — 945 
Sou lal Zaccai — 760 
Sou lal Bani — 642 
Sou lal Bebai — 623 
Sou lal Azgad — 1,222 
Sou lal Adonikam — 666 
Sou lal Bigvai — 2,056 
Sou lal Adin — 454 
Sou lal Ater (pangpang pac Hezekiah) — 98 
Sou lal Bezai — 323 
Sou lal Jorah — 112 
Sou lal Hashum — 223 
Sou lal Gibbar — 95 
Mwet su papa matu tumalos tuh muta in acn takla ten inge elos wi pac folokla: Mwet Bethlehem — 123 
Mwet Netophah — 56 
Mwet Anathoth — 128 
Mwet Azmaveth — 42 
Mwet Kiriath Jearim, Chephirah, ac Beeroth — 743 
Mwet Ramah ac Geba — 621 
Mwet Michmash — 122 
Mwet Bethel ac Ai — 223 
Mwet Nebo — 52 
Mwet Magbish — 156 
Mwet Elam se ngia — 1,254 
Mwet Harim — 320 
Mwet Lod, Hadid, ac Ono — 725 
Mwet Jericho — 345 
Mwet Senaah — 3,630 
Pa inge inen sou in mwet tol su folokla liki sruoh: Sou lal Jedaiah (in fwil natul Jeshua) — mwet 973 
Sou lal Immer — 1,052 
Sou lal Pashhur — 1,247 
Sou lal Harim — 1,017 
Sou lun mwet Levi su folok liki sruoh: Sou lal Jeshua ac Kadmiel (in fwil natul Hodaviah) — mwet 74 
Mwet on ke Tempul (in fwil natul Asaph) — 128 
Mwet topang su forfor taran Tempul (in fwil natul Shallum, Ater, Talmon, Akkub, Hatita, ac Shobai) — 139 
Inen sou lulap ke mwet orekma ke Tempul su folok liki sruoh: Ziha, Hasupha, Tabbaoth, 
Keros, Siaha, Padon, 
Lebanah, Hagabah, Akkub, 
Hagab, Shamlai, Hanan, 
Giddel, Gahar, Reaiah, 
Rezin, Nekoda, Gazzam, 
Uzza, Paseah, Besai, 
Asnah, Meunim, Nephisim, 
Bakbuk, Hakupha, Harhur 
Bazluth, Mehida, Harsha, 
Barkos, Sisera, Temah, 
Neziah, ac Hatipha 
Inen sou in mwet kulansap lal Solomon su folok liki sruoh: Sotai, Hassophereth, Peruda, 
Jaalah, Darkon, Giddel, 
Shephatiah, Hattil, Pochereth Hazzebaim, ac Ami 
Pisa lulap lun mwet in fwil nutin mwet orekma ke Tempul oayapa mwet kulansap lal Solomon su folokla liki sruoh pa mwet 392. 
Mwet saya inge, su tuku liki acn Tel Melah, Tel Harsha, Cherub, Addan, ac Immer, elos tia ku in akpwayeye lah elos mwet in fwil nutin mwet Israel: 
Sou lal Delaiah, Tobiah, ac Nekoda — elos mwet 652. 
Sou lal Habaiah, sou lal Hakkoz, ac sou lal Barzillai, su sou in mwet tol, tia koneyukyak inelos in ma simusla, na pa tia kalem lah su mwet matu lalos. (Papa matu tumun sou in mwet tol Barzillai, el tuh payuk sin sie mutan ke sou se pangpang Barzillai in acn Gilead, na el tuh ekin ine lun sou lun papa talupal.) 
Ke sripen elos koflana akpwayeye lah su mwet matu lalos, pwanang tiana lela tuh elos in wi mwet tol. 
Governor lun mwet Jew el fahkang nu selos lah elos tia ku in mongo ke ma kisakinyuk nu sin God nwe ke na oasr sie mwet tol su ku in orekmakin Urim ac Thummim. 
Pisa lulap lun mwet su folokla liki sruoh — mwet 42,360 
Mwet kulansap lalos, mukul ac mutan — mwet 7,337 Mwet on, mukul ac mutan — mwet 200 
Horse — 736 Miul — 245 
Camel — 435 Donkey — 6,720 
Ke mwet sruoh elos sun Tempul lun LEUM GOD in acn Jerusalem, kutu sin mwet kol lun sou uh elos sang mwe sang ke insewowo tuh Tempul in ku in sifil musaiyukyak fin mahnum lun Tempul. 
Elos sang ke kuiyalos nu ke orekma sac, ac orala lupa inge: sie tausin tolngoul paun ke gold, limekosr tausin itfoko angngaul paun ke silver, ac siofok nuknuk lun mwet tol. 
Mwet tol, mwet Levi, ac kutu sin mwet uh oakwuki in acn Jerusalem ku acn apkuran nu we. Mwet on, mwet orekma, ac mwet topang su forfor taran Tempul elos oakwuki in siti srisrik apkuran pac nu we. Mwet Israel nukewa lula elos oakwuki in acn ma mwet matu lalos ah tuh muta we.