1 God, yu sori langa melabat,

en yu dum ola gudbala ting blanga melabat.

Yu garra luk langa melabat garram yu shainiwan feis,

2 wulijim ola pipul langa ebri kantri garra sabi wanim yu wandim olabat blanga dum,

en ola pipul garra sabi yu na garram det pawa blanga seibum olabat.

3 Ola pipul preisim God!

Larram ola pipul ebriweya preisim yu brabliwei.

4 Larram ola pipul langa ebri kantri jidan gudbinji en sing song gudbinjiwei langa yu,

dumaji yu jadjim ola pipul raitwei en gibit olabat feyago,

en yu lidim ebri kantri langa dijan wel.

5 Ola pipul preisim God!

Larram ola pipul ebriweya preisim yu brabliwei.

6 God garra meigim dijan kantri jidan garram detmatj daga.

Det God blanga wi na garra gibit wi ebrijing.

7 God garra brabli gudbala langa wi,

en ola pipul ebriweya garra gibit im rispek.