1 Main God, seibum mi!

Kwikbala YAWEI, album mi tudei na!

2 Detlot hu trai blanga kilim mi,

nomo larram olabat win,

en yu meigim olabat grangran hed.

Stapam detlot hu jidan gudbinji langa ol main trabul,

en meigim olabat gobek garram sheim.

3 Detlot hu mokimbat mi,

meigim olabat nogudbinji en jidan sheimwei.

4 Ol detlot hu kaman langa yu,

larram olabat jidan gudbinjiwei.

Ol detlot pipul hu jidan gudbinji wen yubin seibum olabat,

larram olabat tok lagijat,

“God na im brabli haibalawan orait!”

5 Bat mi jidan wikwan nomo garram enijing.

Main God, kaman kwikbala langa mi!

Yu na YAWEI, main trubalawan God en yu na gin seibum mi.

Kaman kwikbala en album mi!