Mateo Jesucristogin-kaka-nuegan Palchogzhad.
1.
Imi Jesucristo David-akar tani, tegin David Abraham-akar tanimo. Tenal antin Mateo, Jesucristo-e-tadgan-ampagusmalad akpene-akar nermakal-maidgin chunmanejun. 
Imi Abraham-machidin nug Isaac. 
Tegin Judá-machidin nug Fares, 
Tegin Aram-machidin nug Aminadab. 
Tegin Salmón-machidin nug Booz, tenal Booz-e-nandin Rahab. 
Tegin Isaí-machidin nug David tenal Daviddin erreyga megwis. 
Tegin Salomón-machidin nug Roboam. 
Tegin Asa-machidin nug Josafat. 
Tegin Uzías-machidin nug Jotam. 
Tegin Ezequías-machidin nug Manasés. 
Tegin Josías-machidin nug Jeconías. 
Tegin Babilonia-tolgan 
Tegin Zorobabel-machidin nug Abiud. 
Tegin Azor-machidin nug Sadoc. 
Tegin Eliud-machidin nug Eleazar. 
Tegin Jacob-machidin nug José. Tenal Josédin María-e-machered. Tenal Maríadin Jesús-e-nan. Tenal we Jesús imis pimal Cristo, Pab-akpene-chogzhad-palmidagoed-tule. 
Imi Abraham-akar Davidzhe tadgan-walambe-kakabake kumal. Tenal David-akar, Israel-tulemal Babilonia-tulemalzhe-kalejadzhe tadgan-walambe-kakabake kumalmo. Tenal Babilonia-tulemal Israel-tulemal-kajad-akar, Cristo-nonikidzhe tadgan-walambe-kakabake kumalbal. 
Imi Jesucristo-mimmilejad weob kusdo. Imi teun takalgu, Jesús-e-nan-María tule-José-nugadbak aga kaka-ukchamal aga nikumalgal. Tenal José ampayo María-nikueddu, María taklegal Pab Purpa Nuedga pato ponigwal-kwichi. 
Tenal José-María-macheredga-kuoed tule-nued-choggu, al José tulemal-wagin yapa María-opinkechegus. Al José otukal nabiridgin María-ebebi-kual. 
Tenal José ampa María-ponigwal-kwichidgin-pinzhediidgin, Pab-angel Joséga kabdakedgin chunmanoni, Joséga chogal: “José-David-e-wagwa, imi pe akalzhul María-nikuo pe-omega kugal. Imi María-we-nuchu-nikuneed Pab Purpa Nuedga nikudanikid. 
Tenal María nuchu-nikunonikil, machi-nikuo. Tenal pe we machi-nugzhao Jesús, ade iskued-akar e-tulemal-abonogo.” 
Imi Maríaga tegin Joséga pel-kwapa weob immal kujaddin, Pab Tummad akpene e-kaka-palchogedbal iktualeba chogzhagujad-yopí kunoni. 
Tenal Pab-kartagin chogzhado: Imi puna-yae-walgwen-machered-kwen-wichulid ponigwal-kwisgunoniko, tenal we puna machi-toto-nikunoniko. Tenal we machi nugzhalenoniko Emanuel. (Wedin choglege: “Pab anmalbak kudii.”) 
Tegin José kabmaid-akar atasgu, angel-ega-chogzhad-yopí imas. Al José Maríabak aga nikunonimalzhun. 
Tenal José María-nikusgu, apka omega María-kwen-imaszhul. Tenal José María-machi-nikujad-cholbal kep omega María-imas. Tenal José we machi-nugzhaszhun, Jesús.