1 Uno uwo ludongo lwa welesi wa Esau, iviya kotangigwa Edomu. 2 Esau kasola wanaake wa Kanaani, Ada niiyo mndele wa Eloni Muhiti, Oholibama mndele wa Ana na ni mzukulu wa Sibewoni Muhivi, 3 na Basemati mndele wa Ishumaili, lumbu jake Nebayoti. 4 Ada kamwelekela Esau Elifazi na Basemati kamweleka Leuweli. 5 Oholibama kamweleka Yeushi na Yalamu na Kola. Wano wose wakala wana wa Esau, woyaweleke muna iisi ya Kanaani.

6 Maabaho Esau kawasola wake zake na wanage wa chilume na wanage wa chike na wanhu wose muna ikaye yake, ng'ombe wake na wanyama wake wamwenga wose na vinhu vake vose viyapatile muna iisi ya Kanaani, na kahita isi imwenga kutali na Yakobo mdodo wake. 7 Wasegela kwaviya isi yowakalile wokala Esau na Yakobo ikala haiwafaiye bule. Wakala na mifugo mingi na wapotwa kukala hamwe muna iisi ija. 8 Esau kakala muna iisi ya mulima wa Seili, zina dimwenga da Esau ni Edomu.

9 Uno niuwo ludongo lwa welesi wa Esau, wasaho wa Waedomu muna iisi ya milima ya Seili. 10 Wana wa Esau watangigwa Elifazi, yoyelekwe na Ada muke wake, na Leuweli yoyelekwe na Basemati imuke wake imwenga. 11 Wana wa Elifazi watangigwa Temani na Omali na Zefo na Gatamu na Kenazi. 12 Elifazi kakala na muke imwenga zina jake Timino, iyo kamwelekela Esau mwana wa chilume zina jake Amaleki, wawo wakala wazukulu wa Ada muke wa Esau. 13 Basemati muke wa Esau kamweleka Leuweli. Wana wa Leuweli watangigwa Nahati na Zela na Shama na Miza.

14 Muke wa Esau Oholibama, mndele wa Ana wa Sibewoni kamwelekela Esau wana watatu, nawo niiyo Yeushi na Yalamu na Kola.

15 Wano ni wakulu wowalawile muna uwelesi wa Esau. Elifazi yoyakalile chaudele wa Esau kaweleka Temani na Omali na Zefo na Kenazi 16 na Kola na Gatamu na Amaleki, wano wose niuwo welesi wa Elifazi muna iisi ya Edomu, na wazukulu wa Ada muke wake Esau.

17 Leuweli mwanage Esau kaweleka Nahati na Zela na Shama na Miza. Wawo wose wakala wakulu muna yamakabila yawo. Wano wose wakala wana wa Leuweli muna iisi ya Edomu na wazukulu na Basemati muke wa Esau.

18 Wano ni wana wa Oholibama muke wa Esau, Yeushi na Yalamu na Kola. 19 Wano ni wawo wana wa chilume wa Esau yani Edomu, chila imwe wawo kawa mkulu wa kabila jake. Wawo wose wana wa Oholibama, mwana wa Ana, muke wa Esau.

20 Wana wa Seili Muholi wowakalile muna iisi iyo watangigwa Lotani na Shobali na Sibeyoni na Ana, 21 na Dishoni na Eseli na Dishani. Wawo niwawo wakulu wa Waholi wa welesi wa Seili muna iisi ya Edomu.

22 Wana wa Lotani watangigwa Holi na Hemanina, lumbu jake Lotani katangigwa Timina.

23 Wana wa Shobali watangigwa Avani na Manahati na Ebali na Shefo na Onamu.

24 Wana wa Sibeyoni watangigwa Aya na Ana. Ana niiyo yatolile nzasa za mazi ya moto kuchuwala viyakalile kowadima mhunda wa tati yake Sibeyoni. 25 Wanage Ana watangigwa Dishoni na mndele wake zina jake Oholibama. 26 Wana wa Dishoni watangigwa Hemidani na Eshibani na Silani na Kelani.

27 Wana wa Eseli watangigwa Bilihani na Zaawani na Akani.

28 Wana wa Dishani watangigwa Usi na Alani.

29 Wano wakala wakulu wa Waholi, Lotani na Shobali na Sibeyoni na Ana, 30 na Dishoni na Eseli na Dishani. Wano wakala wakulu wa kabila da Waholi, kwa kusondelela ng'holo zawo muna iisi ya Seili.

31 Wano wakala wafalume watawale mwiisi ya Edomu, yang'hali mfalume yoyose hanawatawala bule Waisilaili 32 Bela mwana wa Bewoli kakala mfalume wa Edomu. Bululu jake ditangigwa Dinihaba. 33 Viyadanganike Bela, katawala Yobabu mwana wa Zela kulawa bululu da Bosila, 34 Viyadanganike Yobabu, katawala Hushamu kulawa isi ya Watemani. 35 Viyadanganike Hushamu, Hadadi mwana wa Bedadi katawala, niiyo yoyawatowile na kuwahuma Wamidiani muna iisi ya Moabu, bululu jake ditangigwa Aviti. 36 Viyadanganike Hadadi, katawala Samula kulawa Masileka. 37 Viyadanganike Samula, katawala Shauli kulawa Lehoboti bululu dili habehi ya ulwanda lwa Efulati. 38 Viyadanganike Shauli, katawala Baalihanani mwana wa Akiboli. 39 Viyadanganike Baalihanani, mwana wa Akiboli, katawala Hadadi, bululu jake ditangigwa Pawu na muke wake katangigwa Mehetabeli mndele wa Matiledi na mzukulu wa Mezahabu.

40 Yano ni mazina ya masekulu wa Esau kwa kusondelela ng'holo zawo na hanhu hawo, nawo ni Timina na Aliva na Yeteti 41 na Oholibama na Ela na Pinoni, 42 na Kenazi na Temani na Mibisali, 43 na Magidiyeli na Ilamu. Wawo ni wakulu wa makabila yoyalawile Edomu. Edomu niiyo Esau. Wamanyika kwa kusondelela ukazi wawo muna zisi zowakalile.