Yontu.
6.
Tɑfiiti yontu nti pɑ yoonɑ ŋmɩɩsɩ pəlefɛɩ sɑŋkʋ nɑ tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ. 
Hɑɩ, Tɑcɑɑ, n mʋ-m nɑ pɑ́ɑ́nɑ́ tɔ tɑɑ hɔ mɑ ŋkpɑŋʋɣʋ. 
Hɑɩ, Tɑcɑɑ, mɑ toŋ tɛmɑ nɑ mɑ kɑ tətɔɣɔtɔɣɔ. Wɑɑ-m, mpi tɔ, mɑ mʋwɑ tɑɑ sɑləɣɩ kɛ́. 
Pəlee kɛ́ nyɑ́ tɑɑ kɑ́ hɛɛsɩ-m kpɑnɑʋ? Mɑ lɑŋlɛ wɑkəlɑɑ kɛ́ tətɔɣɔtɔɣɔ. 
Hɑɩ, Tɑcɑɑ məlɩ nɑ ń yɑ-m. Wɑɑsɩ-m nyɑ́ kʋpɑntʋ tɔɔ. 
Pə tɑɣɑ pʋlʋ, sətʋ ɩɩ tɔɔsəɣɩ nyɑ́ tɔm. Pə́cɔ nɔɣɔlʋ ɩɩ sɑŋɩ-ŋ ɑtɛtəlɛ tɑɑ. 
Mɔlɑ kʋɣʋnɑ-m nɑ mɑ́ pələɣɩ ɩsəlʋm kɛ mɑ kʋhəntʋɣʋ tɔɔ kɛ́ pɑɑ ɑhoo nnɑ. 
Wulɑ mʋlʋsɑ mɑ ɩsɛ kɛ́ nɑ ɑɑ tɑsəɣɩ nɑʋ. Mɑ kolontunɑɑ lɑpənɑ-m mpʋ. 
Ɩsɑɣɑlɑtɑɑ mɛ, ɩ́ tɛɛ ɩ́ wɛsɩ-m. Mpi tɔ, Tɑcɑɑ nɩɩ mɑ wulɑ. 
Ɩ́ nɩɩ mɑ wiinɑʋ nɑ ɩ́ mʋ mɑ sələmʋɣʋ. 
Pə́ liɣiti mɑ kolontunɑɑ tənɑ nɑ sɔɣɔntʋ kpɑɑ-wɛ, nɑ pɑ́ pəsəɣənɑ pɑ wɑɑlɩ kɛ kpɑkpɑɑ nɑ fɛɛlɛ nɑ pɑ́ seeki.