Yontu.
70.
Tɑfiiti yontu nti tə wɛ yonyoolɑɑ nyʋɣʋ tʋ yontunɑɑ tɑɑ nɑ pɑ́ tɔɔsəɣənɑ Ɩsɔ tɔɔ tɔɣɔlɔ. 
Hɑɩ, Ɩsɔ, kɔɔ nɑ ń hɛtɩ-m. Tɑcɑɑ kɔɔ lɔŋ nɑ ń wɑɑsɩ-m. 
Mpɑ pɑ cɑɑ mɑ səm tɔ fɛɛlɛ ɩ́ pɩɩ-wɛ nɑ pə́ liɣiti-wɛ. Mpɑ ɩnɩ pɑ lɑŋlɛ hɛɛnɑ mɑ kʋnyɔŋ tɔ pɑ́ kɑ nyɔɔŋ nɑ pɑ́ məŋnɑ wɑɑlɩ. 
Mpɑ pɑ lɑkɑɣɑ-m ɑnyɑŋkɑ tɔ fɛɛlɛ ɩ́ pɩɩ-wɛ nɑ pɑ́ se. 
Mpɑ pɛlɛ pɑ pɛɛkəɣɩ Ɩsɔ nyɑ́ tɔ, pə́ cɑɣɑnɑ-wɛ nɑ pɑ lɑŋɑ hʋlʋmɩ. Nɑ mpɑ pɛlɛ pɑ sɔɔlɑ nyɑ́ nyʋɣʋ yɑpʋ tɔ, pɑ yɔɣɔtəɣɩ tɑm sɩ Tɑcɑɑ kɛlɛ sɔsɔ. 
Mɑ kɛ́ kʋnyɔntʋ kɛ́ nɑ mɑ́ wɛ ɑtɛ. Hɑɩ, mɑ Ɩsɔ, kɔɔ mɑ wɑɑsʋɣʋ kɛ lɔŋ. Nyɑɣɑlɛ mɑ wɑɑsʋlʋ nɑ mɑ hɛtʋlʋ. Tɑcɑɑ tɑɑ leeli.