Yontu.
87.
Kolee nyə́mɑ kpekəle yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ. Tɑcɑɑ nyɑ́ sɩɩnɑ Siyɔŋ ɩcɑtɛ kɛ pʋʋŋ nɑŋŋ nyəŋ tɔɔ. 
Ntɛɣɛ n kəlɑ sɔɔlʋɣʋ kɛ Yɑkɔpʋ nyə́mɑ ɑcɑlɛɛ tənɑ tɑɑ. 
Teeli tɔm kɛ pɑ yɔɣɔtəɣɩ Ɩsɔ ɩcɑtɛ nyɑ́, nyɑ́ tɔɔ. 
Mpɑ pɑ nyəmɑ-m tɔ pɑ ɩsɛntɑɑ kɛ́ mɑ yɑɑkɩ Icipiti nɑ Pɑpiloni nɑ Filiisi nɑ Tiii nɑ Ɩtiyopii pə nyə́mɑ. Tɛtʋnɑɑ mpɛ pɑ tɑɑ kɛ́ pə lʋlɑ-wɛ. 
Amɑ ye Siyɔŋ ɩcɑtɛ ɩlɛ tə tɑɑ kɛ́ pə lʋlɑ yəlɑɑ tənɑ. Ɩsɔtɑɑ Ɩsɔ Sɔsɔ yɔɣɔtənɑ-tɩ. 
Tɑcɑɑ kɑləɣɩ yəlɑɑ nɑ ɩ ŋmɑɑkɩ sɩ: Siyɔŋ kɛlɛ pɑɑ wei ɩ ɩcɑtɛ mɑɣɑmɑɣɑ. 
Hɑɩ, Ɩsɔ ɩcɑtɛ nyɑ́, yonyoolɑɑ nɑ pɑɑlɑɑ pɑ kpɛntənɑ nɑ pɑ yɔɣɔtəɣɩ nyɑ́ teu tɔm.