Yontu.
121.
Yosɑlɛm kpɑʋ yontu. Mɑ kʋsɑ ɩsɛ nɑ mɑ́ nyənəɣənɑ pɔɔŋ tɔɔ. Leɣe mɑ wɑɑsʋɣʋ kɑ́ lɩɩnɑ? 
Tɑcɑɑ nyɑ́ lɑpənɑ ɩsɔtɑɑ nɑ ɑtɛ. Nyɑ́ kiŋ kɛ wɑɑsʋɣʋ kɑ́ lɩɩnɑ. 
N kɑɑ tisi sɩ pə́ tuuli nyɑ́ yʋlʋ nɔɔhəlɛ. N feŋiɣi nyɑ́ yʋlʋ tɔɔ kɛ́ nn hɛɛsəɣɩ. 
Tɑcɑɑ n feŋiɣi Ɩsɛɣɛlɩ tɔɔ kɛ́, tom ɩɩ kɑɑkɩ-ŋ, pəyele nn tooki. 
Tɑcɑɑ nyɑ́ feŋiɣinɑ nyɑ́ yʋlʋ tɔɔ. Nyɑ́ wɛnnɑ ɩ wɑɑlɩ nɑ ń kentiɣi-ɩ. 
Ilim kɑɑ cɔɔsɩ nyɑ́ yʋlʋ kɛ ilim tɑɑ. Pə́cɔ ɩsɔtʋ nɑ́ kɑɑ cɔɔsɩ-ɩ ɑhoo. 
Tɑcɑɑ n kɑ́ pɑɑsənɑ nyɑ́ yʋlʋ weesuɣu. Nɑ n feŋ ɩ tɔɔ kɛ́ ɩsɑɣɑtʋ tənɑ tɑɑ. 
Tɑcɑɑ n kɑ́ feŋ nyɑ́ yʋlʋ kʋlʋɣʋ wɑɑtʋ nɑ ɩ tɑtɛ wɑɑtʋ kɛ pə kpɑɣɑʋ nɔɔnɔɔ tɔ, nɑ pə́ polo tɑm tɔɔ.