Yontu.
130.
Yosɑlɛm kpɑʋ yontu. Hɑɩ, Tɑcɑɑ, mɑ wɛ pʋʋɣʋ sɔsɔɔŋkʋ tɑɑ kɛ́ nɑ mɑ́ yɑɑkɩ-ŋ. 
Tɑcɑɑ nɩɩ mɑ nɔɣɔ. Ke ŋkpɑŋŋ nɑ ń nɩɩ mɑ wiinɑʋ. 
Ye n kɑ sɩɩkɑɣɑ ɩsɑɣɑtʋ kɛ nyɑ́ tɑɑ, Tɑcɑɑ, ɑwe kɑ wɛnɑ weesuɣu? 
Amɑ nyɑ́ tənnɑ ɩsɑɣɑtʋ hɩɩsʋɣʋ sɩ pɑ́ nyɑŋnɑ-ŋ. 
Tɑcɑɑ nyɑɣɑ mɑ tɛɛləɣɩ nɑ mɑ́ tɑŋɑ nyɑ́ kʋyɔɣɔtʋtʋ. 
Tɑcɑɑ nyɑɣɑ mɑ tɛɛləɣɩ nɑ pə́ kəlɩ ɩsɩɩ tɑŋlɑɑ tɛɛlʋɣʋ tɑnɑŋ tɔ. Ɛɛ, pə kəlɑ ɩsɩɩ tɑŋlɑɑ tɛɛlʋɣʋ tɑnɑŋ tɔ. 
Ɩsɛɣɛlɩ nyə́mɑ ɩ́ tɛɛlɩ Tɑcɑɑ. Mpi tɔ, Tɑcɑɑ kɛnɑ kʋpɑŋ. Pə́cɔ ɩ sɔɔlʋ pɩɩwɑ tɑm sɩ ɩ́ wɑɑsɩ. 
Tɑcɑɑ kɑ́ hɛtənɑ Ɩsɛɣɛlɩ nyə́mɑ kɛ pɑ ɩsɑɣɑtʋ tənɑ tɑɑ.