1 O Leeme Silok. Loxompixan tarak i paase mumu labalamu ram la um gomgonga limixin at langas in manton. La nia anak pixan emi asu minu. 2 Loklok tarak nabap sepse. Ningisa ba unaba vot pasa ia? Lorooro rak naba dadat to xeneng at loogu rak, 3 la anoxo esuuxun mi laxapmek. Nia ak lox angtungun ti leveloklok atnedi limixin tongtonga xepe. Nia a noxot kis esogo rinotno bok ba eburu minedi. 4 Anoxo babala vukpuk, la anoxo emu mi limixin kapmek. 5 Anaba riki xepe nege di, di vepaase siksikma xapmek mumu lentaba vetpes. A belengatngas ti taradi loklox aaso la im simi aurur i.

6 Anaba siam kaka nedi di ruturun tu la anaba siam abeles nedi xusu dinabak lok eburu minia ro xeneng at loogu rak. La nedi ua dixo babala vukpuk, anaba siam ka di xusu dina gugu ria.

7 Naba xopmen tetadi xaxarang naba nemen eburu minia ro xeneng at loogu rak. La xopmen tinotno tetadi sosolom naba nemen saparav ia. 8 At levenaleng amisik anaba sesele utut limixin ua dik lok leveloklok kapmek keneng at lenep kangka atnema. Anaba saksu minedi lorooro atdi i bilinga rino uto xamang basinge lemenemen silok taram.