1 Leeme Silok, una ronga lisingising tarak! Una ronga i na lisingising lolos tinotno rak atla loklok taram in manton aleng. Uk lox epovo leveng kakaape ram, kuren la una ronga ia! 2 Nenia lasaxaruki ram, kuren la uguta lok li ia at loklok tong pen, atla kopmen teta ip sepsen at lamaram.

3 Lavamunepen minia digara vuse ka vam ia la dira sep kapmek tinotno ia. Dira lok li vam ia at loogu xokoxo i main bonot, la a lok ngan tino nga nedi ua diga met axa gano at lereot. 4 Kuren la a gagas kusu ana raba xepe nga lorooro rak, atla lodoxoma abulubun na i suxuna rinotno nga ia.

5 A doxoma su ap mo levenaleng gara oon pam. La a doma mo lempanga nenu ugara lok pam i, la mo leven gugu ram i vot manga at lodoxoma rak. 6 A song aurut mi lukngak tu keneng at lisingising tarak. La labalak ik minu ru ngan ta loxongkangka vatmang.

7 Leeme Silok, soso mun una ronga res tarak! Nia ara doma abulubun tino. Uguta lok alipe u basinge ia, lavanga ana emu buru minedi ua di si uto xopok at lemenemen at labarongan. 8 Unak lox adoxoma ia at leven maxantamak axap mi mo labalamu lexen taram, atla lununu rak i tu saga ram. Leve singising tarak i uturut upana ru, kusu una lox ase ia mi langas nia anaba mumu asu i.

9 Leeme Silok, a vot saparav u xusu unak lok see rak. La una vaxat asu ia basinge limixin munepen minia. 10 Nenu ne Moroa rak. Una lox ase ia mi langas ti mumu asu lavavara ram. Una ke Loroonan Avukat taram na lam ia at langas nunuan.

11 Leeme Silok, una sat asu ia basinge limixin munepen minia ngan uga xaape vam min. Nenu uk lox avukat, kuren la una lox asepmus ia basinge na leven mumuat tarak! 12 Una sev amet limixin munepen minia, atla nenu u balamu ia. La una lox abaava tino di mo dik lox asongor ia, atla nenia lasaxaruki ram.