1 Amy taom-paha roapolo-fito’ ambi’ Iarovame mpanjaka’ Israeley, ty niorota’ i Azarià* Azarià: mpijanjiñe i Talè ana’ i Amatsià mpanjaka’ Iehodà nifehe. 2 Ni-folo-taoñ’eneñ’ amby re te niorotse nifeleke, le nifehe limampolo taoñe ro’ amby e Ierosa­laime ao; Iekoliae† Iekolae: maozatse ty am’ Iehovà nte-Ierosalaime, ty tahinan-drene’e. 3 Nitolon-kavantañañe am-pivazohoa’ Iehovà re, hambañe amo hene fitoloñan-drae’e Amatsiào. 4 Fe mboe tsy nafahañe o toets’ aboo; nitolom-panao soroñe naho nañoro tsotse amo toets-aboo avao ondatio. 5 Linama’ Iehovà haangamae i mpanja­kay ampara’ ty andro nihomaha’e vaho nimoneñe añ’ akiba navìke ao. Iotame‡ Iotame: Iòe ro vantañe, ana’ i mpanjakay, ty nifehe’ i anjombay, naho nizaka ondati’ i taneio. 6 Ty ila’ o fitoloña’ i Azariào, o nanoe’e iabio; tsy fa sinokitse amy bokem-pamolili­añe o mpanjaka’ Ieho­daoy hao? 7 Nitrao-pirotse aman-droae’e t’i Azarià, le nalenteke aman-droae’e an-drova’ i Davide ao; le nandimbe aze nifehe t’Iotame ana’e.

8 Amy taom-paha-telopolo-valo’ ambi’ i Azarià mpanjaka’ Iehoday, te nifeleke Israele t’i Zekarià ana’ Iarovame enem-bolañe e Somerone ao. 9 Nanao raty am-pivazohoa’ Iehovà re, manahak’ an-droae’e, tsy nisitaha’e o hakeo nampanaña’ Iarovame ana’ i Nebate tàhiñe Israeleo. 10 Nikinia aze t’i Salome§ Salome: tamben-kasoa; vale-fate, ana’ Iabese le zinevo’e añatrefa’ ondatio, vaho vinono’e, le nandimbe aze nifeleke. 11 Aa ty ila’ o fitoloña’ i Zekariào, oniño t’ie sinokitse amy bokem-pamoliliañe o mpanjaka’ Israeleoy. 12 Le niheneke ty nitsarae’ Iehovà am’ Ieho ami’ty hoe; O ana’o pak’ an-tariratse fah’ efatseo ty hiambesatse amy fiambesa’ Israeley, le zay ty ie. 13 Niorotse nifehe amy taom-paha-telo-polo-sive’ ambi’ i Ozià* Ozia: haozara’ Iehovà mpanjaka’ Iehodaiy t’i Salome ana’ Iabese† Iabese: maike; hasalarañe le nifeleke volan-draike do’e e Somerone ao. 14 Nionjoñe boak’e Tirtsà t’i Menakeme‡ Menakeme: mpañohò ana’ i Gadý§ Gadý: nte Gade: osen’A’, Talèn-kafaleañe, le nivotrake e Somerone eo, naho zinevo’e t’i Salome, ana’ Iabese, e Somerone ao naho vinono’e vaho nandimbe aze nifeleke. 15 Aa naho o fitoloña’ i Salome ila’eo, i kilily nanoe’ey, oniño t’ie sinokitse amy bokem-pamoliliañe o mpanjaka’ Israeleoy. 16 Zinevo’ i Menakeme amy zao ty Tifsà* Tifsà: fiariañe; fitsamboañañe; lia;, ze tama’e ao iaby naho o mañohok’ azeo pake Tirtsà; amy t’ie tsy nisokafe’ iereo; aa le linafa’e vaho niriate’e iaby ze rakemba nivesatse ao. 17 Amy taom-paha-telopolo-sive’ ambi’ i Azarià mpanjaka’ Iehodày ty niorota’ i Menakeme ana’ i Gadý nifeleke Israele, le nifehe folo taoñe e Somerone ao. 18 Nanao raty am-pivazohoa’ Iehovà re, le tsy napo’e amo hene andro’eo o hakeo nampanaña’ Iarovame ana’ i Nebate tahiñe Israeleo. 19 Naname i taney t’i Pole† Pole: voa-maike; fandrotsahañe mpanjaka’ i Asore‡ Asore; tane’ i Sore: fale; zotike; hente, le natolo’ i Menakeme amy Pole ty talenta§ Talenta: sekele 3000 ty talenta raike volafoty arivo soa te ho ama’e ty fità’e hamentea’e i fifeheañey. 20 Sinaze’ i Menakeme drala t’Israele, boak’ amo fanalolahy mpañalealeo, songa hakare’ ondatio ty sekele limampolo hatolotse amy mpanjaka’ i Asorey, vaho nibalik’ añe i mpanjaka’ i Asorey le tsy nitambatse amy taney. 21 Aa naho o fitoloña’ i Menakeme ila’eo, ze hene nanoe’e, tsy fa sinokitse amy bokem-pamoliliañe o mpanjaka’ Israeleoy hao? 22 Nitrao-piròtse aman-droae’e ao t’i Menakeme, le nandimbe aze nifehe t’i Pekaià* Pekaià: i sinoka’ Iehovà fihaino, ana’e. 23 Amy taom-paha-limampolo’ i Azarià mpanjaka’ Iehoday, te niorotse nifehe Israele e Somerone ao t’i Pekaià ana’ i Menaheme; le nifeleke roe taoñe. 24 Nanao ze raty am-pivazohoa’ Iehovà re; tsy nisi­taha’e o tahi’ Iarovame ana’ i Nebate nam­panaña’e hakeo Isra­eleo. 25 Nikinia aze amy zao t’i Pekà† Pekà: fihaino misokake ana’ i Remalià‡ Remalià: arova’ Iehovà, sorotà’e, le nanjevoñ’ aze e Somerone, amy fitalakesañ’ abo’ i anjomba’ i mpanjakaiy ao, rekets’ i Argobe§ Argobe: tane hoba naho i Ariè * Ariè: liona: farasy jabajaba vaho ondaty limampolo nte-Gilade nindre ama’eo; vinono’e, vaho nandimbe aze nifehe. 26 Aa naho o fitoloña’ i Pekaià ila’eo, o hene nanoe’eo, tsy fa sinokitse amy bokem-pamoli­liañe o mpanjaka’ Israeleoy hao?

27 Amy taom-paha-limampolo-ro’ ambi’ i Azarià, mpanjaka’ Iehodày, le niorotse nifehe e Israele e Some­ro­ne ao t’i Pekà ana’ i Remalià vaho nifeleke roapolo taoñe. 28 Nanao haratiañe am-pivazohoa’ Iehovà, tsy nisitaha’e o tahi’ Iarovame ana’ i Nebate, nampanaña’e hakeo Israeleo. 29 Tañ’ andro’ i Pekà mpanjaka’ Israele, ty nanamea’ i Tiglate-pilèsere† Tiglate-pilèsere: mpandrohy mpanese mpanjaka’ i Asore, le tinava’e t’Iione‡ Iione: heheke; fihaino; rano migoañe, i Abel-bete-maakৠAbel-bete-maakà: fiandraza’ i Bete: akiba, Maakà: tinindry; tsorodea; mireketse, Ianoà* Ianoà: mitofa; mihenekeneke; mikinia, i Kedese† kedese: fipalirañe, i Kazore‡ Kazore: Anjomba fatratse, i Gilade naho ze hene tane Naftalý vaho nendese’e an-drohy mb’e Asore añe. 30 Kinilili’ i HoseৠHoseà: fandrombahañe, ana’ i Elà* Elà: kobay (hatae); haozarañe t’i Pekà, ana’ i Remalià, le linafa’e naho vinono’e vaho nandimbe aze nifehe amy taom-paha-roapolo’ Iotame ana’ i Oziày. 31 Aa naho o fitoloña’ i Pekà ila’eo, o nanoe’eo, oniño t’ie misokitse amy bokem-pamoliliañe o mpanjaka’ Israeleoy.

32 Amy tom-paharoe’ i Pekà, ana’ i Remalià, mpanjaka’ Israeley, te niorotse nifehe e Iehodà t’Iotame ana’ i Ozià. 33 Roapolo taoñe lime amby re te niorotse nifeleke, le nifehe folo taoñe eneñ’ amby e Ierosalaime ao, Ierosoae† Ierosoae: ombelahy mavo; fanañañe; lova ana’ i Tsadoke, ty tahinan-drene’e. 34 Nanao ty havantañañe am-pihaino’ Iehovà re, hene norihe’e ty satan-drae’e Ozià. 35 Fe tsy nafahañe añe o toets’ aboo; mbe nanao soroñe naho nañenga ey ondatio. Namboare’e ty lalambei’ ambone’ i anjomba’ Iehovày. 36 Aa naho o fitoloña’ Iotame ila’eo, ze hene nanoe’e, tsy fa sinokitse amy bokem-pamoliliañe o mpanjaka’ Iehodàoy hao? 37 Namototse nañirake i Re­tsine‡ Retsine: zoton-tro; ìrake mpanjaka’ i Arame naho i Pekà ana’ i Remalià, haname Iehodà t’Iehovà henane zay. 38 Nitrao-piròtse aman-droae’e t’Iotame le nalentek’ aman-droae’e an-drova’ i Davide ao; vaho nandimbe aze nifehe t’i Ahkaze§ Ahkaze: mpandrambe; mpanañe ana’e.