1 Aa naho nindre nitroatse amy Norizañey nahareo, imaneo pay o raha amboneo, amy iambesara’ i Norizañey am-pitàn-kavanan’ Añaharey* Sab 110:1. 2 Tsakoreo o an-dikerañeo, fa tsy o an-tane atoio. 3 Nivilasy nahareoo, le fa nahaja amy Norizañey aman’ Añahare ao ty fiai’ areo, 4 vaho ho tendreke amy Norizañey añ’engeñe ao i havelon-tikañey amy fiboaha’ey.

5 Vonò arè o fangen-kaondati’ ty tane toy ama’oo; ze hakarapiloañe, haleorañe, filomolorañe, fitsikirihan-draty, vaho fihàñañe—ie fiatoañe am-pahasive; 6 irezay ty hifetsaha’ ty fifombon’ Añahare amo anam-panjeharañeo† Efe 2:2, 5:6. 7 Ie nañaveloa’areo te mbe niveloñe ama’e, 8 fe apitsoho añe henaneo, fonga tsy aboak’ am-palie’ areo ty heloke, ty fifombo, ty inje, ty teratera, naho ty reha-timbo. 9 Ko mifandañitse, fa naitoa’ areo i haondaty hambo’ey‡ Rom 6:6, Efe 4:22 rekets’ o sata’eo, 10 le fa natse­ta’ areo t’indaty vao, ze mihavao eri­ke am-paharendrehañe mihafonitse, mihahambam-bintañe amy Namboats’ azey. 11 Tsy te Grika ndra Jiosy, sinavatse ndra tsy sinavatse, ambahiny ndra sadia­vahe, ondevo ndra midada, fe halifora’e i Norizañey, ie ama’e iaby.

12 Aa kanao jinobon’ Añahare nahareo, miavake naho kokoañe, sikino ty arofo miferenaiñe, matarike, mirèke, tren­trañe, naho mahaliñe, 13 mifampivavea naho mifampihevea, ie eo ty aman-kabò ama’ ia’ia, le mifampihevea hambañe amy nañahà’ i Talè anahareoy. 14 Lombolombo’ irezay ty fikokoañe, ie mamahotse am-pitraofan-kina fonitse. 15 Ehe ho fehè’ ty fañanintsi’ i Norizañey o arofo’ areoo fa zay ty nikanjiañe anahareo ho fañòva raike: vaho mañandriaña.

16 O tsara’ i Norizañeio§ Jao 12:48, Its 18:19, Ben 19:13 abey ty himo­neñe ama’ areo ao ami’ty halifora’e; mifañòha naho mifanoroa añ’ampon-kihitse; misaboa sabo, naho beko naho takasy miavake, mañandriañ’ an’ Andrianañahare añ’arofo. 17 Aa le ndra inoñ’inoñe anoe’ areo, ke an-tsaontsy he sata, le ami’ty tahina’ i Talè Iesoà, vaho mañandriañ’ an’ Andrianañahare Rae añama’e.

18 Ry roakembao, miandalia amo vali’ areoo, ami’ty eva’e amy Talè. 19 Ry lahilahio, kokò o vali’ areoo fa tsy itorifihañe.

20 Ry ajajao, mivohora aman-droae amy ze he’e, fa zay ty no’ i Talè. 21 Ry aba, ko mañìnje anake, hera hahamòhake aze. 22 Ry mpitoroñeo, mivohora amy ze he’e amo tompo’ areo amo haondati’eo, tsy t’ie misam­ba hipaia’o tsiriry, fa an-tso-tro mañeveñe amy Talè, 23 aa ndra inoñe o tolon-draha’oo, ihembaño, hoe mpitoro’ i Talè fa tsy ondaty, 24 le fohino t’ie ho tambeze’ i Talè amy lovay, amy te Iesoà Talè ro toroñe’ areo. 25 Ho valeañe ty amo sata-rati’eo ka o lo-tserekeo fa tsy irihiañe.