naboak’ ama’ia ty fità’ Iehovà?

2 Ie nitiry añatrefa’e eo

hoe toran-katae,

hoe vahatse an-tane maike.

Ie tsy naràm-bintañe

tsy amañ’asiñe te nisambà’ay;

tsy ni-soa-vintañe hahasinda anay.

3 Nisirikaeñe, nitorifiha’ ondaty,

lahilahy nalovilovy,

nahafohim-pandalàñe,

hoe itakonan-tarehe; nimavoeñe

vaho tsy nañaoñe Aze tikañe.

4 Toe nivavè’e o haorean-tikañeo,

nendese’e o hasilofan-tikañeo;

fa nataon-tika t’ie vinango,

linafan’Añahare, nisilofeñe.

5 O fiolàn-tikañeo ty nandratañe aze,

o tahin-tikañeo ty nandemohañe aze;

tama’e ty fandilovañe ninday

fanintsiñañe aman-tikañe;

o fere’eo ro mahajangañ’antika.

6 Songa nandrike hoe añondry

sindre nitsile amy lia’ey;

fonga nampivavè’ Iehovà aze

o hakeon-tikañeo.

7 Niforekekeñe naho nampiambaneñe,

f’ie tsy nanoka-palie;

hoe anak’añondry tantalieñe ho lentaeñe,

hambañe ami’ty fitsìn’añondry

añatrefa’ o mpañitsikeo,

t’ie tsy nanoka-palie.

8 Fiforeforeañe naho zaka

ty naneseañe aze;

Ia ty ho nahafitoky ty loak’andro’e

kanao naitoañe an-tanen-kaveloñe;

ie pinaoke ty amo fiolà’ ondatikoo.

9 Nampindrezeñe amo tsereheñeo ty kibori’e,

vaho niharoe’e havilasy o mpañalealeo,

amy t’ie tsy nijoy,

vaho tsy tam-palie’e ao ty famañahiañe* Pe I 2:22.

10 F’ie ninò’ Iehovà

ty handemoke aze

naho ty haniloke aze,

aa ie nañenga ty fiai’e

ho efe-tahiñe,

le hahavazoho tariratse,

naho hitompeañ’andro,

vaho hiraorao am-pità’e

o satrin’ arofo’ Iehovào.

11 Ho isa’e ty vokam-paloviloviam-piai’e

le hanintsiñe;

ty hilala’ i mpitoroko vantañey

ro hañavantañe ty maro;

ie ty mivave o tahi’ iareoo.

12 Aa le hitolorako tambe añivo’

o manjofakeo,

le handivà’e amo fanalolahio

i nikopaheñey,

amy te nadoa’e an-kavilasy ty fiai’e,

naho vinolily amo mpanan-kakeoo,

nilogologoe’e ty tahi’ o maroo,

vaho jineba’e o manan-tahiñeo.