naho o mpimoneñe ama’eo;

2 Fa najado’e ambone’ o riakeo,

vaho naore’e am-pisorotombahañe eo.

3 Ia ty hahafitroatse

mb’am-bohi’ Iehovà ey?

Ia ty hijohañe an-toe’e miavake ao?

4 Ty amam-pitàñe malio

naho amañ’arofo ki’e,

tsy mañonjoñe ty fiai’e

mb’ami’ty tsy vente’e,

vaho tsy mifanta am-pamañahiañe.

5 Handrambe fitahiañe am’ Iehovà re,

naho havantañañe amy Andrianañaharem-pandrombahañe azey.

6 Zay ty tarira’ o mipay Azeo,

ie mitsoeke ty lahara’o—

Iakobe ‘nio. Selà

7 Ampiandrao o loha’ areoo, ry lalambey! Miongaha, ry lalañe haehaeo!

Hiziliha’ i Mpanjaka rengeñey.

8 Ia i Mpanjaka rengeñey?

Iehovà maozatse naho fatratse,

Iehovà Lahifihatiy.

9 Ampiandrao o loha’ areoo,

ry lalambey !

Eka, miongaha, ry lalañe haehaeo!

Hiziliha’ i Mpanjaka rengeñey.

10 Ia i Mpanjaka rengeñey?

Iehovà’ i Màroy,

Ie ty Mpanjaka rengeñe. Selà