Sabo.
61.
Boak’ añ’olon-tane añe ty ikoihako Azo, naho opo ty troko; iaolò mb’an-­damilamy abo te amako. 
Amy te Ihe ro fipalirako, haboañe fatratse aolon-drafelahiko eo. 
Hitoboke an-kivoho’o ao nainai’e raho; hipalirako añ’alo’ o ela’oo. Selà 
Fa jinanji’o o nifantàkoo ry Andrianañahare; tinolo’o ty lova’ o mpañeveñe amy tahina’oio. 
Tompeo andro ty andro’ i mpanjakay, ho tarirats’ an-tariratse o tao’eo. 
Hiambesatse añatrefan’ Añahare eo nainai’e; afantoho hañambeñe aze ty fiferenaiñañe naho ty hatò. 
Le ho bangoeko an-tsabo nainai’e ty tahina’o, ie henefeko boak’ andro o nifantàkoo.