ዓይኑሞ ማፃኣፖ.
129.
ዒስራዔኤሌኮ ሞርኮፓ ቶላኒ ሺኢቂንቴ ሺኢጲሢ ናኣቶፓ ዓርቃዖ ፑርታ ባኣዚ ታና ሄሌኔ፤ ዒስራዔኤሌ ዓሳ ሂዚ ጎዖንጎ፦ 
«ታኣኒ ናኣቶ ዓኣንቴ ዓርቃዖ ታኣኮ ሞርካ ታና ሚጪንቲቃይዶ ዳውሳኔ፤ ጋዓንቴ ታና ዔያታ ባሺባኣሴ። 
ታኣኮ ዙሎ ዔያታ ዢራፓና ጳርቂ ጎሺ ጎሽኮማጉዲ ሹኬኔ። 
ናንጊና ናንጋ ጎዳ ቢያ ዎዴ ፒዜኬ፤ ዬያቶ ሚጪንቱዋ ፑርቶ ዓሶ ቱኡዛፓ ታና ዒ ቡሌኔ።» 
ፂዮኔ ዒፃ ዓሲ ቢያ ቦርሲንቲ ጊንሢም ማዖም። 
ማኣሪ ዑሢዳ ባቃሌ ማኣቲጉዲ ሃጊ ዑጉዋዖ ሹሊ ባይቃያ ማዖም። 
ዬያጉዴ ማኣታ ዎዻ ዓሲኮ ኩጮ ኩሙዋያ ጌኤቴ ማሂ ቱካኒ ጋዓሢማኣ ኮኦማ ኩሙዋያ ማዖም። 
ዔያቶኮ ኮይሊና ዴንዳ ዓሲ ቢያ ፂዮኔኮ ሞርኮ፦ «ናንጊና ናንጋ ጎዳ ዒንሢ ዓንጆንጎ! ኑኡኒያ ናንጊና ናንጋ ጎዳ ሱንፆና ዒንሢ ዓንጃኔ!» ዔያቶ ጋዓዓኬ።