2
Is Listahan te Nemen-ulì Puun te Kegkevihaǥa Kandan
(Nehemias 7:4-73)
1 Listahan heini te menge Israilihanen diyà te prubinsya he Juda he mibihag dengan ni Hadì Nebucadnezar ziyà te Babilonia. Kayi he timpu mid-awe en sikandan diyà te Babilonia ne midlikù en diyà te Jerusalem wey ziyà te zuma pa he menge inged dan diyà te Juda. 2 Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah.
Iyan heini listahan te menge etew te Israel he nemen-ulì puun te kegkevihaǥa kandan:
3-20 Mga Kevuwazan ni
Parosh; 2,172
Shefatia; 372
Ara; 775
Pahat Moab (puun te menge pemilya ni Jeshua wey ni Joab); 2,812
Elam; 1,254
Zatu; 945
Zacai; 760
Bani; 642
Bebai; 623
Azgad; 1,222
Adonikam; 666
Bigvai; 2,056
Adin; 454
Ater (he egngezanan daan te Ezequias); 98
Bezai; 323
Jora; 112
Hashum; 223
Gibar; 95
21-35 Iyan heini kahabet te menge etew he mid-ubpà is menge kepuun dan kayi he menge inged:
Betlehem; 123
Netopa; 56
Anatot; 128
Azmavet; 42
Kiriat Jerim, Kefira, wey Beerot; 743
Rama wey Geba; 621
Micmash; 122
Betel wey Ai; 223
Nebo; 52
Magbish; 156
is sevaha pa he Elam; 1,254
Harim; 320
Lod, Hadid, wey Ono; 725
Jerico; 345
Senaa; 3,630
36-39 Iyan heini menge kevuwazan te menge memumuhat he nemen-ulì puun te kegkevihag:
Menge kevuwazan ni
Jedaya (puun te pemilya ni Jeshua); 973
Imer; 1,052
Pashur; 1,247
Harim; 1,017
40-42 Iyan heini kevuwazan te menge Levihanen he nemen-ulì daan puun te kegkevihag:
Menge kevuwazan ni Jeshua wey ni Kadmiel (puun te pemilya ni Hodavia); 74
Menge perekanta ziyà te valey te Nengazen he menge kevuwazan ni Asaf; 128
Menge vantey te menge pultahan te valey te Nengazen he menge kevuwazan ni Shalum, ni Ater, ni Talmon, ni Akub, ni Hatita, wey ni Shobai; 139
43-54 Iyan heini menge kevuwazan te menge suluǥuen diyà te valey te Nengazen he nemen-ulì daan puun te kegkevihag:
Menge kevuwazan ni Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, wey Hatifa.
55-57 Mid-ulì daan puun te kegkevihag is menge kevuwazan te menge suluǥuen ni Solomon:
He iyan is menge kevuwazan eni Sotai, Hasoferet, Peruda, Jaala, Darkon, Gidel, Shefatia, Hatil, Pokeret Hazebaim, wey Ami.
58 Is kahabet te kevuwazan te menge suluǥuen diyà te valey te Nengazen ragkes is kahabet te menge suluǥuen ni Solomon ne 392.
59-60 Duen daan 652 he nemen-ulì diyà te Juda he ebpemuun diyà te menge inged he Tel Mela, Tel Harsha, Kerub, Adon, wey Imer. Heini sikandan menge kevuwazan eni Delaya, Tobia, wey Nekoda, piru kenè dan igkepaahà is puriba he menge Israilihanen sikandan.
61-62 Kenà daan ebpekepaahà te puriba is menge kevuwazan eni Habaya, Hakoz, wey Barzilai he menge memumuhat sikandan. (Hein nengesawa heini si Barzilai iyan din mid-uwit is ngazan te enuǥang din he si Barzilai he tig-Gilead.) Ne ǥeina te kenè dan igkepaahà is listahan te menge kepuun dan, ne wazà sikandan dewata he menge memumuhat. 63 Migkeǥiyan sikandan te gubirnedur ziyà te Juda he kenà egkehimu ke egkaan dan te menge keenen he impemuhat diyà te Megbevayà dutun te wazè pa memumuhat he nekeinsà diyà te Megbevayà mehitenged te kegkememumuhat dan pinaaǥi te veveraan he Urim wey Thumim.
64-67 Is kahabet te langun he nemen-ulì puun te kegkevihag ne 42,360, kenà ragkes is menge suluǥuen dan he 7,337, wey is menge perekanta he 200 he menge maama wey menge vahi. Duen dan uwiten he 736 he menge kudà, 245 he menge mula, 435 he menge kemilyu, wey 6,720 he menge asnu.
68 Hein nekeuma zan diyà te valey te Nengazen diyà te Jerusalem, is duma he menge pengulu te menge pemilya mibeǥey te tavang he puun te keugelingen dan he suat he para te ked-umana kebenguna zuen te valey te Nengazen diyà te mibengunan ded duen hein aney. 69 Mibeǥey zan dutun he vuluhaten sumalà te egkeveleveg dan. Ne is langun he netiǥum dan 500 he kilu he vulawan, 3,000 he kilu he pelata, wey bisti he 100 he lukut he para te menge memumuhat. 70 Is kada sevaha kandan midlikù diyà te menge inged he mibpuunan te menge pemilya zan, ragkes is menge memumuhat, menge Levihanen, menge perekanta, menge vantey te menge ǥemawan te valey te Nengazen, wey is menge suluǥuen diyà te valey te Nengazen.