36
Iso Bakbagindi
1 Iso bakbagindi bila li (Iso yan tela Idom).
2 Iso xap hainindi rangua Kenan haingdi. Tela yanoa Ada, Hit tela Elon nanuhanginoa. Tela yanoa Oholibama, Hib tela Sibeon nanuhanginoa.✡ Unggutinga (Stat) 26:34 3 Xauna, xap Basemat, Ismael nanuhanginoa xaung Nebaiot hamunganoa.✡ Unggutinga (Stat) 28:9
4 Ada hayau Elipas na Iso, Basemat hayau Ruel, 5 saing Oholibama hayau Yeus, Yalam xaung Kora. Adi li Iso garang lupdi baudingdi dahayaudi na mana titia Kenan.
6 Baing Iso xap hainindi, garang lupdi, hanuhangindi, xaung lipuxing numanam longgalo, morundi, asaxang longgalo, xalinging longgalo xap mana titia Kenan. Xapdi saing ila titi tela halianga mana kixinginoa Yekop. 7 Tang xalingidingdi ditubu buk ba duwa xauna. Titia tang duwa mana ba sanga mana dingtang te, namua na morudingdi xumana buk. 8 Binabu Iso (yan tela Idom) ila rung mana xaxagandi duwa mana titia Seir.
9 Iso Idomdi mugangadinga. Dirung mana xaxagandi duwa mana titia Seir. Bakbagindi bila li.
10 Adi li Iso garang lupdi yadingdi:
Elipas, Iso haininoa Ada garanoa, xaung Ruel, Iso haininoa Basemat garanoa.
11 Elipas garang lupdi bing:
Teman, Omar, Sepo, Gatam xaung Kenas.
12 Iso garanoa Elipas yau haining oxata olanggama xauna, yanoa Timna. Hayau Amalek. Adi ba Iso haininoa Ada garang rangging lupdi.
13 Ruel garang lupdi bing:
Nahat, Sera, Sama xaung Misa. Adi ba Iso haininoa Basemat garang rangging lupdi.
14 Iso haininoa Oholibama, Ana nanuhanginoa xaung Sibeon nanuhanging ranggina. Oholibama garang lupdi hayau na Iso bing::
Yeus, Yalam xaung Kora.
15 Iso garang lup teladi disok yanamdi.
Iso garang matuaua Elipas garandi disok yanamdi bing:
Yanamdi Teman, Omar, Sepo, Kenas, 16 Kora, Gatam xaung Amalek. Adi li yanamdi duwa mana titia Idom, tibudinga Elipas. Ding Ada garang ranggindi.
17 Iso garanoa Ruel garandi disok yanamdi bing:
Nahat, Sera, Sama xaung Misa. Adi li yanamdi duwa mana titia Idom, tibudinga Ruel. Ding Iso haininoa Basemat garang ranggindi.
18 Iso haininoa Oholibama garandi disok yanamdi bing:
Yeus, Yalam xaung Kora. Adi li yanamdi, garadi mana Iso hanining Oholibama, Ana nanuhanginoa.
19 Adi li Iso garang lupdi (yan tela Idom). Xauna, adi li bakbagidingdi yanamidingdi.
20 Sdeir Hor tela, bakbaga wa titia ba muga. Garang lupdi bing:
Lotan, Sobal, Sibeon, Ana, 21 Dison, Eser xaung Disan. Adi li Seir garandi duwa mana titia Idom. Hordi yanamidingdi.
22 Lotan garang lupdi bing:
Hori xaung Heman. Timna Lotan hamunganoa.
23 Sobal garang lupdi bing:
Alban, Manahat, Ebal, Sepo xaung Onam.
24 Sibion garang lupdi bing:
Aya xaung Ana. Ana baguli lipua naga sok muga mana lang maxamaxang salianamdi long xoliania bungina wasa mana tibuna Sibion donkindi.
25 Ana garandi bing:
Dison xaung Oholibama. Oholibama Ana nanuhanginoa.
26 Dison garang lupdi bing:
Hemdan, Esban, Itran xaung Keran.
27 Eser garang lupdi bing:
Bilhan, Saban xaung Akan.
28 Disan garang lupdi bing:
Us xaung Aran.
29 Adi li Hordi yanamidingdi:
Lotan, Sobal, Sibeon, Ana, 30 Dison, Eser xaung Disan. Adi li Hordi yanamidingdi duwa etua mana titiading taining tainina mana titia Seir.
Idom Yanimidingdi
31 Adi li xaitamoxidi duwa etua mana titia Idom, muga mana xaitamoxi tela wa etua mana Isreldi:
32 Bela, Beor garanoa, sok xaitamoxi mana Idom. Long sabangga inia yanoa Dinhaba.
33 Bela mati, baing Yobap, Sera garanoa, xap yabanoa sok xaitamoxi. Yabanoa Bosra.
34 Yobap mati, baing Husam mana titia Temandi duwa mana ba xap yabanoa sok xaitamoxi.
35 Husam mati, baing Hadat, Bedat garanoa, xap yabanoa sok xaitamoxi. Long sabangga inia Abit. Ila haunggana Midiandi saing dalidi mana titia Moap.
36 Hadat mati, baing Samla xap yabanoa sok xaitamoxi. Yabanoa Masreka.
37 Samla mati, baing Saul xap yabanoa sok xaitamoxi. Yabanoa Rehobot, langga Yupretis rubinia.
38 Saul mati, baing Bal-Hanan, Akbor garanoa, xap yabanoa sok xaitamoxi.
39 Bal-Hanan, Akbor garanoa, mati, baing Hadar xap yabanoa sok xaitamoxi. Long sabangga inia yanoa Pau. Haining yanoa Mehetabel, Matret nanuhanginoa xaung Mesahap nanuhanging ranggina.
40 Adi li yanamdi dima rangua Iso. Bakbagidingdi xaung titiadingdi disu mana yadingdi. Ding bing:
Timna, Alba, Yetet, 41 Oholibama, Ela, Pinon, 42 Kenas, Teman, Mipsar, 43 Makdiel, xaung Iram. Adi li Idomdi yanamidingdi, yadingdi dimogu titiadi duwa mana ba.
Ala ba Iso bakbagindi. Idomdi mugangadinga.