Revelation.
7.
Egaꞌina afegai lau agelo pani, aagoa kiuga paniai keapa laisaꞌi. Isa ameku pani aagoa kiuga paniai kepua kemai auꞌi keafiapiꞌi, ega koa ameku agaꞌo faelao aagoa, aꞌu, ke au agaꞌo faepua keoma. 
Egae kai lau agelo agaꞌo kina eꞌagau afugai emai auga, Deo eague aoniamo auga, ega maka eafiia emai laisa. Ke isa eagaga agelo pani aagoa, ke aꞌu fou fekepalifua isapuga keafiia auꞌi epainiꞌi einaka: 
“Oi aagoa, o aꞌu, o au folopalifuꞌi felao lai, iꞌa aꞌa Deo ega pinauga auꞌi pakuꞌiai maka faoge kai,” eoma. 
Egae kai lau papiau pika pakuꞌiai maka isoge emia auga aꞌo lalogonia. Egaꞌina papiauꞌi auga Israel ikupuga alogai papiau maꞌoai 144,000 auga inamoꞌeꞌi: 
Juda ikupugai 12,000, Ruben ikupugai 12,000, Gad ikupugai 12,000, 
Asher ikupugai 12,000, Naftali ikupugai 12,000, Manaseh ikupugai 12,000, 
Simion ikupugai 12,000, Lefi ikupugai 12,000, Isaka ikupugai 12,000, 
Sebulun ikupugai 12,000, Iosepa ikupugai 12,000, Benjamin ikupugai 12,000, pakuꞌiai maka keogeisa. 
Egaꞌina afegai maau elao aisama, moisa, lau laꞌafou akaikiꞌa ipauma kai agaꞌo agepaauga afaekaina auga laisa. Egaꞌina laꞌafouga alogai, agofaꞌa alogai, ago maꞌoai papiauꞌi, ikupu maꞌoai papiauꞌi, ke papiau faagaꞌi iꞌoina iꞌoina maꞌoai, ke mala maꞌoai papiauꞌi kemai, Deo ega aguagu afuga, ke Sipi Gauga fou agoꞌiai keapa. Ke isa tiapu keloꞌi keiꞌiukaꞌi, ke imaꞌiai paꞌogo keafiiꞌi. 
Ke ainaꞌi akaikiꞌagai keagaga keinaka: 
Ke agelo maꞌoai Deo ega aguagu afuga, au akaikiꞌaꞌi ufai keagu auꞌi, ke pagama kapaꞌi maaꞌi maunina auꞌi pani auꞌi fou keapa lofeꞌi. Ke isa Deo ega aguagu afuga agogai keomukipo, ke Deo keau afagaina. 
Ke keifa keinaka: 
Ke au akaikiꞌaꞌi ufai keague auꞌi agaꞌo lau epaꞌani peniau einaka, “Iꞌina auꞌi tiapu keloꞌi keiꞌiukaꞌi auꞌi kaisau ke kapai kemai?” eoma. 
Ke lau iifa lapamue lainaka, “Au akaikiꞌa aumu, oi lologo,” laoma. Ke isa einaka, “Iꞌina papiauꞌi auꞌi, kiekie akaikiꞌaꞌi aloꞌiai kepealai auꞌi. Ke isa Sipi Gauga ifagai eꞌi tiapu keikuisa keloga kepamia auꞌi. 
Ega puo, 
Ke isa inaeꞌi afaekimu, 
Gome Deo ega aguagu afuga