1 Jona i stap insait long bel bilong pis na em i prea long God, Bikpela bilong en. 2 Em 1 Sml 30.6, Sng 18.4-6, 22.24 i tok olsem, “Bikpela, mi bin karim hevi, na mi singaut long yu, na yu harim singaut bilong mi. Mi stap long ples nogut bilong ol man i dai pinis, na mi krai long yu. Na yu harim krai bilong mi. 3 Yu Sng 42.7, 88.6 bin tromoi mi na mi kam daunbilo tru long solwara. Solwara i karamapim mi olgeta. Na yu mekim biksi i bruk antap long mi. 4 Mi 1 Kin 8.38, Sng 31.22 bin tok olsem, yu rausim mi pinis, tasol bai mi lukim gen haus bilong yu. 5 Si Sng 69.1, Kra 3.54 i bruk antap long mi, na i pasim win bilong mi. Na solwara i karamapim mi olgeta. Gras bilong solwara i raunim het bilong mi. 6 Mi go daun tru long as bilong olgeta maunten insait long solwara. Dispela ples nogut em i kalabusim mi tru. Tasol Bikpela, yu God bilong mi, yu kisim bek mi. Na mi lusim ples nogut na mi stap laip. 7 Bikpela, Sng 18.6 mi pilim olsem mi laik i dai, olsem na mi tingting long yu. Na prea bilong mi i kamap long yu long bikpela haus bilong yu. 8 Ol man i save lotu long ol giaman god, ol i lusim pasin bilong bihainim yu. 9 Tasol mi laik mekim song bilong litimapim nem bilong yu, na mi laik givim ofa long yu. Olgeta samting mi promis pinis long yu, em bai mi mekim. Bikpela, yu wanpela tasol yu save kisim bek mipela, na mipela i stap laip.”

10 Orait Bikpela i tokim pis, na pis i go trautim Jona long nambis.