4
Bana ge Lekab Isboset Hi Howa Paaliga
Isboset wana tolohaveyan gamwaliyaa, pwahin labui ali tonul alaliya Bana ge Lekab, heliya talin. (puna 1-3)
4 (He Sol natuna Diyontan natuna tauina etega i gan alana Mepiboset, iya wana baliman nimala panuna abwe aena labui hi nak. He saugena o Sol ge Diyontan wali yaomal wasana i noem labi Diyeslil, yaka ana tomatahikan i kalivai ge hi lou. Yaa patotoya kaiwena inoke i pwabun ge abwe aena hi nak, nige bosowaina ni nawanawa bubun.)
Lan etega alalatiya, Isboset i kenu wana abakenuwa. Bana ge Lekab hi tuk wana lum gamwanaa, yaka hi howaa tinenaa ge abwe mwamwalina hi gotomwa. Inoke balomana hi pwatanik Deibid elana Hebiloni. Heliya hi nuwatu tage Deibid ni pwamolal, yaa i ba, “Tau ya nige wana gegi te ku lopaaliga totona wana abakenuwa, inoke nige ami lahi ni kakala.” Yaka i ba wana tolohaveyan hi lopaaligal. (puna 5-12)