SALAMO.
15.
Iehova e, daika oiemu ḡuriḡuri kalagana ai baine noho? Daika na oiemu ororo helaḡana ai baine taruha? 
Taunimanima binai: e raka ḡoevaḡoevamu, kara maoromaoro e karamu, bona lalona amo hereva momokani e gwauraimu; 
ia malana amo haida se hadikadiamu, turana ihadikana karana ta se karaiamu, bona dekena tauna ihadikana herevana ta se gwauraiamu; 
kara gageva-gageva tauna na ia ese e ihi-ihiraiamu, a Iehova garina e garimu taudia na ia ese e hanamodiamu; ia sibona ihadikana gwauhamatana e gwauraiamu negana ai ma se idaumu; 
ia ese ena moni se heni torehaimu davana iabina totona, bona asi ena kerere tauna ihadikana monina danu ia se abiamu. Unu e kara tomamu tauna na do basine marere ela bona hanaihanai.