SALAMO.
67.
Dirava baine bogada hisi, baine hanamoda, ia vairana diarina baine henida. (Selah) 
Tanobada ai oiemu dala bae diba totona; bona emu hahemauri siahuna bese iboudiai bogaragidiai danu. 
Dirava e, bese idau-idau bae hanamomu, bese iboudiai bae imodaimu. 
Bese idau-idau bae moale, moale anedia bae abi, badina be tanobada taudia o hahemaoro henidiamu mai maoromaoromu ida, bona tanobada besedia o hakaudiamu. 
Dirava e, bese idau-idau bae hanamomu, bese iboudiai bae imodaimu. 
Tano anina vada e vara ḡoevaḡoeva; Dirava, iseda Dirava, ese vada e hanamoda. 
Dirava vada e hanamoda; bona tanobada dokodia iboudiai ese ia garina bae gari.