SALAMO.
87.
Ororo helaḡana ai Iehova ese e hadaia hanuana na e ginimu; 
ia ese Siona ikoukoudia e ura henidia badamu, Iakob ena noho gabudia iboudiai na e ura henidia maraḡimu. 
Dirava ena hanua e, oi hairaimu na e imodaiamu. (Selah) 
Rahaba bona Babulono na dibadia lau, Filistia bona Turo bona Etiopia danu: “Ina na unuseni ai e vara”, e tomu. 
Siona danu bae herevalaia, baeto “Ina bona una na ia lalonai e vara”. Badina be Herea Mikamika ese baine haginia tutuka-tutuka. 
Bese idau-idau e hagaudiamu negana ai Iehova na e gwaumu “Ina na unuseni ai e vara”. (Selah) 
Ane-abi taudia bona mavaru taudia na e gwaumu “Lau badigu idoinai na oiemu ai”.