SALAMO.
120.
Egu lalo-hisihisi ai Iehova na tai henia, baine haere henigu totona. 
Nato: Iehova e, koikoi bibinadia bona hedibagani maladia amo ba hamaurigu. 
Hedibaḡani malana e, dahaka baine henimu? ede ma baine kara henimu toma? 
Tuari tauna ena diba mai matadia, roteme audia e aramu gidadia. 
Madi ihabaigu, Mesek ai na noho hedoamu, Kedara kalagadia bogaragidiai na nohomu. 
Egu noho vada eme daudau herea, maino e inai heniamu taudia bogaragidiai. 
Lau na maino na uramu, a na herevamu negadia ai, idia na tuari e uramu.