SALAMO.
128.
Iehova garina e garimu taudia iboudiai na nanamo; idia na iena dala ai e rakamu. 
Imamu edia hekwarahi anidia do bavani; ba moale bona ba namo danu. 
Adavamu emu ruma ai na vine auna mai huahuana na heto; natumu na olive tuhutuhudia na heheto, emu pata bae helaia heḡeḡe. 
A laloa, Iehova garina e garimu tauna na unu baine namo toma. 
Siona amo Iehova ese baine hanamomu, Ierusalem ena namo do ba itaia, emu mauri dinadia iboudiai; 
tubumu do ba itadia danu. Maino na Israel latanai baine mia.