SALAMO.
129.
Merogu negana amo vada e hahisigu bada, (Harihari Israel ini baine gwau toma), 
Merogu negana amo vada e hahisigu bada, to asie hadareregu. 
Ruarua taudia ese dorugu e ruaia, edia ruarua gabudia e halatadia. 
Iehova ena kara na maoromaoro; ia ese kara dika varodia vada e utudia. 
Siona e inai heniamu taudia iboudiai na bae hahemaraidia bona bae haloudia. 
Idia na ruma guhidia ai rei e varamu na heto: do se huahua ai na e maraimu, 
bena iutuna tauna na imana ai se abiamu, bona iḡuina tauna na kemena ai se rosiamu; 
e raka hanaimu taudia danu asie herevalaiamu, asie tomu “Iehova ena hahenamo na latamu ai baine mia, Iehova ladana ai a hanamomumu”.