20
Mamulaka a Insa adairiwa
Matwaya 21:23-27; Maruku 11:27-33
1 Suku moja, Insa paakiwafunda wanu na paakereza Habari Ngema nNyumba Takatifu, wakilawirira nomo wakulungwa wa dini, wanlimu wa shariya, pamoja na walongozi, 2 wakimwambira, wakamba: “Tambire, uwe evi vinu‑vi kwankutenda na mamulaka a nani? Eya mamulaka‑ya akupere nani?” 3 Insa akiwajibu, akamba: “Sambi, nomi novyo nukudairini kinu. Nambireni: 4 Yahaya paakiwoza wanu, akitenda javyo kwa mamulaka a Mwenyezimungu au a wanadamu?” 5 Ewo wakingira kukaidiyana, wakamba: “Tikinjibu kuwa ‘a Mwenyezimungu’, iye atidairi: ‘Umwe kutowa kunkubali Yahaya sababuni?’ 6 Fala, tikamba kuwa ‘a wanadamu’, wanu piya watipanja na mawe, konta wakikubali kuwa Yahaya nabii wakweli.” 7 Basi, mwinshoni wakinjibu javi: “Atijiwa.” 8 Insa akijibu: “Basi, nomi novyo sukwambirani mwanyewe mamulaka anitendesa evi vinu‑vi.”
Kinyume ca warimi wabaya
Matwaya 21:33-46; Maruku 12:1-12
9 Sambi, Insa akanza kuwasowerera wanu eci kinyume‑ci javi: “Mwananlume mmoja kavyala muti wake wakupa uva, akitula rani na warimi wamojawapo, ikisa akisafiri suku nyingi zawenye. 10 Paufikire wakati wa kutokota uva, iye kantuma ntumisi ka warimi kure ipate wakampe fungu ra mwenye wake ire. Fala warimi ware wakimwibiya, wakinludisa makono-waka. 11 Ikisa, mwanyewe masamba ire akintuma ntumisi mwengine, neye novyo wakimwibiya, wakimwanziri, wakinludisa makono-waka. 12 Mwanyewe masamba ire akintuma ntumisi watatu, fala warimi ware neyo novyo wakinlumiza, wakintuwisa.
13 Basi, mwanyewe masamba ire akisowera kimoyomoyo akamba: ‘Sambi, nisaka kutendaja? Hã, nijiwa! Nimpereka mwanangu wanimpenda pakulu. Dalili wakuka kumwinshimu!’ 14 Fala warimi ware pawammonire mwana ire, wakisowera watupu-watupu: ‘Epa kankuja mwenyé haki yakuriti masamba‑ya! Tukeni timulaye, irati‑yo iwe yetu ofwe!’ 15 Basi, wakinlavira panja ya masamba are, wakimulaya.”
Ikisa Insa akiwadairi: “Mwenyé masamba ire warimi ware awatendaja? 16 Iye akuja, awapoteza warimi‑wo, na masamba‑yo awemisira wanu wengine.”
Wanu ware pawasikire javire, wamba: “Visikune javyo!* Wanu wakereriwa mana ake kinyume cire: kuwa Mwenyezimungu awapokera Mayahudi ufalume wawo, na kuwapa wanu Sawari Mayahudi. Newo novyo awakubarire kuwa wakintenda caputu Mwana wampereke Mwenyezimungu.” 17 Fala iye kawanang'aniza wanu ware rungu-rungu, ikisa kawadairi javi: “Sambi eya Mandiko‑ya javi:
‘Riwe rawakatare wajengi ndi rilawirire kuwa riwe maalumu’, mana ake kinani?† Riwe‑ro rikolota kuwa ndi Insa.”
18 Insa akizidi kusowera:
“Agwiríra onse eri riwe‑ri
akuwa kipande-kipande.
Warisaka kungwirira eri riwe‑ri,
asaika-saikanga atenda ufu.‡ Mana ake: Riwe‑ro rikolota kuwa ndi Insa. Wanu wankatala Insa wapoteya.”
Insa awajibu na wijiwifu maaduwi wake
Matwaya 22:15-22; Maruku 12:13-17
19 Wanlimu wa shariya na wakulungwa wa dini pawasikire kinyume cire, wakisaka wanfunge Insa kwa mpunde noure, konta wejiwa kuwa Insa kankuwasutumu ewo‑po§ Nkati ya usowezi wa kinyume ure ikuwa ewo ndi warimi., fala wakiwopa wanu ware.
20 Kwa javyo, wanlimu wa shariya na wakulungwa wa dini wakintunza Insa sana-sana. Ewo wawapereka wapererezi wamojawapo wakiritula kuwa wanu wakweli. Wakisakula wammonerere kamba iye asowera kinu cakunkoresa ipate wampereke ka guvinadoru, mwenyé uwezo na mamulaka. 21 Ndimana wakindairi, wakamba: “Mwanlimu, tukwijiwa kuwa piya vyausowera na vyaufunda vyakweli, wala aulamula kwa kunang'aniza munu caari, ila kwankufunda kamili njira ya Mwenyezimungu. 22 Sambi, tambire kinu kimoja: Ofwe tijuzi au atijuzi kunripa nsoko Kaisari* Ware Mayahudi avikiwajibu kunripa nsoko nfalume nkulu wa waRoma. Iye akitukuziwa kamba nlungu na waRoma, kinu‑ci ka Mayahudi kufuru.?” 23 Fala Insa nakwijiwa ujanja wawo ure, akiwambira: 24 “Nolotereni jarajara moja. Ewu uso‑wu na eya mandiko‑ya vyanani?”
Ewo wakijibu: “Vya Kaisari.” 25 Iye akiwambira: “Basi, vinu vya Kaisari, mpeni Kaisari. Vinu vya Mwenyezimungu, mpeni Mwenyezimungu.” 26 Kweli, awapatire mbere ya wanu kunkoresa Insa na majibu ake. Kwasa javyo, washanga na majibu ake are, wakinyamala vii.
Kulomba bandi ya wafwi kufufuka
Matwaya 22:23-33; Maruku 12:18-27
27 Ikisa, wakinfika karibu Masaduseu wamojawapo, ware wakatála kuwa kuwapo kufufuka ka wafwi. 28 Ewo wakindairi Insa javi: “Mwanlimu, Musa katandikira eya mandiko‑ya javi: ikiwa munu kafwa, kamwasa nkawake saapongore naye wana, nduye marehemu ajuzi amwingire manyumba nankweli ire, filihali apongola naye rilunga rikolo. 29 Sambi, wákiwapo wana saba wawa mmoja na mama mmoja. Ntanzi kalomba, kafwa saapongore naye mwana. 30 Nduye wapiri, 31 na watatu, neyo novyo wantwala muka ire, wanlomba awapongore naye mwana. Wo‑saba ware piya wanlomba awapongore naye wana, wafwa. 32 Mwinshoni, mwanamuka ire neye novyo akifwa. 33 Basi, suku ya kufufuka, mwanamuka ire akuja kuwa muka wa nani? Kamana wo‑saba ware wanlomba muka mmoja noire!”
34 Insa akiwajibu: “Duniya‑yi wanu walomba na walombiwa. 35 Fala waturiwe ubora kupata enzi zisaka kuja pawaja kufufuka ka wafwi, ewo awaja kulomba wala kulombiwa. 36 Kweli, awaja kufwa tena, konta wakuja kuwa kamba malaika. Ewo wana wa Mwenyezimungu kamana wafufuriwa ka wafwi. 37 Kuhusu mwaha wa kuwa wafwi wakuja kufufuriwa, anta na Musa† Kati ya Masaduseu, Musa ákiwa nabii bora pakulu. wawenye kakikisha novyo paasowere kuhusu muti ukikorera. Iye kamwita Mola zina ra ‘Nlungu wa Iburahima, wa Izaki, na wa Yankubu.’‡ Mbere ya Mwenyezimungu, Iburahima, na Izaki pamoja na Yankubu wangari hai, konta roho zawo hai. Na suku ya Kiyama, Mwenyezimungu akuka kujumulanisa roho na mwiri mupya. 38 Basi, iye siyo Nlungu wa wafwi, ila Nlungu wa wanu wari hai. Kwake iye, wanu piya wawa hai.” 39 Ikisa wanlimu wengine wa shariya wakimwambira Insa: “Mwanlimu, kusowera sana!” 40 Bandi ya evi, awerepo munu wakurimba moyo kundairi Insa kinu.
Almasihi ndi bora pakulu
Matwaya 22:41-46; Maruku 12:35-37
41 Ikisa Insa akiwadairi: “Wanu wakwamba mwaja kuwa Almasihi ujukulu wa Daudi? 42 Kamana Daudi mwanyewe ndi ambire nkitabu ca Zaburi§ Ona Zaburi 110:1.:
‘Mola kamwambira Mwenye wangu* “Mwenye wangu” Almasihi.:
Ikala nkono nriro wangu† “Nkono nriro” mahala paswifa.
43 mpaka niwature maaduwi wako
wawe sini kamba gogo rakwirika maulu ako.’
44 Ona, ikiwa Daudi Almasihi kamwita ‘Mwenye’, namunani vyaawa upande wa ujukulu wake?‡ Insa akamba kuwa Almasihi ákiwa ujukulu wa Daudi, fala sijavyo basi. Nfalume Daudi mwanyewe Almasihi kamwita ‘Mwenye’, ndimana Almasihi ndi bora pakulu koliko nfalume mmojawapo wa duniya‑yi. Kusema kweli, Almasihi ndi Mwenyezimungu wawenye.”
Insa akumbusa kuhusu wanlimu wa shariya
Matwaya 23:1-36; Maruku 12:38-40
45 Wanu piya pawakinsikiriza, Insa akisowera na wanafunzi wake, akiwambira javi: 46 “More-more na wanlimu wa shariya! Kuwajibu kupita wakenenda wavarire sana-sana na kukomaziwa kwa inshima mmaluwanja. Watondola kwikala mahala mwa swifa nsinagoga na mmajambo. 47 Fala wawewiranga manankweli vinu vyawo, na watendanga siyasa yakulebela duwa zakurepa. Basi, ewo wakuja kuhukumiwa pakulu futi!”
*20:16 Wanu wakereriwa mana ake kinyume cire: kuwa Mwenyezimungu awapokera Mayahudi ufalume wawo, na kuwapa wanu Sawari Mayahudi. Newo novyo awakubarire kuwa wakintenda caputu Mwana wampereke Mwenyezimungu.
†20:17 Riwe‑ro rikolota kuwa ndi Insa.
‡20:18 Mana ake: Riwe‑ro rikolota kuwa ndi Insa. Wanu wankatala Insa wapoteya.
§20:19 Nkati ya usowezi wa kinyume ure ikuwa ewo ndi warimi.
*20:22 Ware Mayahudi avikiwajibu kunripa nsoko nfalume nkulu wa waRoma. Iye akitukuziwa kamba nlungu na waRoma, kinu‑ci ka Mayahudi kufuru.
†20:37 Kati ya Masaduseu, Musa ákiwa nabii bora pakulu.
‡20:37 Mbere ya Mwenyezimungu, Iburahima, na Izaki pamoja na Yankubu wangari hai, konta roho zawo hai. Na suku ya Kiyama, Mwenyezimungu akuka kujumulanisa roho na mwiri mupya.
§20:42 Ona Zaburi 110:1.
*20:42 “Mwenye wangu” Almasihi.
†20:42 “Nkono nriro” mahala paswifa.
‡20:44 Insa akamba kuwa Almasihi ákiwa ujukulu wa Daudi, fala sijavyo basi. Nfalume Daudi mwanyewe Almasihi kamwita ‘Mwenye’, ndimana Almasihi ndi bora pakulu koliko nfalume mmojawapo wa duniya‑yi. Kusema kweli, Almasihi ndi Mwenyezimungu wawenye.