6
1 Rangte mootkaatte jun ih eroom ih mokali, eno, sen loong asuh Rangte tenthet erah chohi ah thaangmuh nah naktoom ang ah. 2 6:2 Isa 49:8 Rangte jengla ah boichaat an:
“Sen loong rongthu suh nga saapoot thok taha di,
Sen jeng ngah ih boichaat etang,
Sen loong puipang rangwu thok taha adi,
Sen loong ah chosok ih rum taha.”
Boichaat an! Arah saapoot ah Rangte ih seng rongthu saapoot; chiinnyah sa seng puipang rangwu ah!
3 Seng mootkaat pakna ah o ih uh naktoom thetsok ah ngeh ih thunhi, erah raang ih o lam nah uh lamtang nak toom ang ah ngeh ih taat thunhi. 4 Erah nang ih bah, Rangte laksuh jun ih seng loong ah ih chamchoh di angkoja oh, echeh echaan di angkoja oh nyia chikrok di angkoja oh enaan ehi ah thong noisok hi. 5 6:5 Esm 16:23 Seng loong ah ebot ih tahe, phaatak ni sak tahe, nyia midung ni kiipnak tahe; moot akaat uh jupmuh saatmuh adoleh phakmuh satmuh ih kati. 6 Seng loong ah saachamcham ang eno, mongtham je ano, enaan nyia minchan ah je ano seng loong Rangte laksuh ngeh ih noisok hi —Esa Chiiala nawa ih nyia seng amiisak mongnook nawa ih ah, 7 amiisak tiit ah baat hi dowa ih, nyia Rangte chaan aphaan nawa ih ah. Seng ih piiara long suh nyia seng teewah puipang suh kateng ah senglang sengpah eh kap hi. 8 Seng loong ah soomtu nep eh hali nyia rakri thuk nep eh hali; adoleh kaanju uh kaanju eh hali nyia phoongpha uh phoongpha eh hali. Seng loong asuh khoonglap liihe bah uh seng loong ih amiisak tiit ah baat hi; 9 warep ih jat ehe bah uh lajatri likhiik; seng loong ah tekchoi likhiik, enoothong sen miksok di seng loong ah ething. Seng loong ah siiwi he bah uh tathet haatri; 10 saarookwet thungthet eh ih bah uh tenroon ih tongli; seng changthih likhiik ang ih bah uh, warep changteng eh hoonthukli; seng jiinni tiim lajeeka likhiik ang ih bah uh, amiisak di seng taang ni jaatrep jeela.
11 Korin ni tongte joon awaan loong! Sen loong asuh wuusa ih liihi; sen loong ah seng thung ni thun ehi. 12 Sen loong raang ih seng thung tamake; sen loong thung ba malan. 13 Sen loong asuh nga susah suh baatbaat ih rumhala: Erah tenthun ah likhiik ih sen tenthun uh noisok ehe. Sen uh emamah ang an.
Rangnak mina likhiik lah angtheng
14 Lahanpiite loong reeraangla ah likhiik nak reeraang an, emah tajen reekan. Epun nyia lapunka ah mabah uh phoosiit mamah mi ang ah? Rangwu nyia rangnak ah eroom ih mamah mi ang ah? 15 Kristo nyia Hakhoh Luuwang ah mamah mi tungchan ah? Hanpiite loong lahanpiite damdi tiim adi phoosiit angla? 16 6:16 1Kr 3:16; 6:19; Lew 26:12; Ijk 37:27 Rangte rangsoomnok nyia rangnak mih soom nok ah mamah mi tungchan ah? Tiimnge liidi seng loong ah ething tong Rangte nok! Rangte heh teeteewah ih liita,
“Ngah ih nga nok ah nga mina loong damdoh hoon ang
neng damdoh roomtong ang;
Ngah neng Rangte ang ang,
eno neng loong ah nga noksong ang ah.”
17 6:17 Isa 52:11 Erah raangtaan ih Teesu ih liiha,
“Sen ih neng loong thiinhaat ih an
eno sen ih neng loong ah thiinhaat ih an.
Esot damdoh sen reejih tiim uh tajeeka,
eno juuba ngah ih sen loong ah kap rumha.
18 6:18 1Tet 17:13; Isa 43:6; Jer 31:9 Ngah sen wah ang ang,
eno sen loong ah ngaasuh ngaasah ang an, Teesu Elongthoon ih liiha.”