MATHIU
Ih Raang Arah Ruurangese
Ephangjatjih
Ruurangese Rangte tiitkhaap Mathiu ih baatta jun ih Jisu ah kakham hooncho mih piipangte angta, heh mendi luulu ba Rangte ih Ehak Banlam tokdi heh mina loong suh khakham jengkhaap ah jen phansiit korumta. Arah ruurang ese ah Jehudi loong luulu raang ih tah angka, adoleh Jisu tup hadaangte loong luulu raang ih uh tah angka, erah nang ih bah arah hatoh dowa toongtang mina loong raang ih.
Mathiu ih naririh ih raangthiinta. Jisu tupta dowa ih phang raang ano, heh juungtem nyi heh phate joonnaam tiit anep raangha, erah damdi heh ih Rangte tiit tumbaat suh khoomte nyia Jisu ih tum nyootsootte loong tiit anep raangha, erah damdi uh Galili hadaang ni mih deesiitta loong anep wakraangha. Erah lilih Rangte tiitkhaap adi Jisu Galili nawa ih Jerusalem tuk ih khoomta loong ah raangha, nyia Jisu hethoondi saasinet mongdi tek haatta nyia we ngaakthingta loong ah raangha.
Arah Rangte tiitkhaap adi Jisu ah elongthoon Nyootte et baat ha, heh di Rangte Hotthe loong ah jen toombaat jih chaan jeela, erah damdi heh ih Rangte Hasong tiit anep nyootsoot ha. Ehan thoon ah aradi jaat banga tiitkhaap roop raangha: (1) Rangte jengkhaap kong ni baatta rah, erah di mina dang ajang, pakna reeraang, saapoot choh, nyia Rangte noksong Rangmong Hasong nah jen wang lampo ah raangha (leedaap 5-7); (2) Heliphante asih wanyi loong suh neng Rangte mootkaat nah jen reejih tiit (leedaap 10); (3) Rangmong Hasong raangtaan ih tiitthaak tiit (leedaap 13); (4) heliphante jen angjih tiit (leedaap 18); nyia (5) amah dowa rangkuthoon tiit nyia lakngah nawa rangmong hasong tiit loong ah raangha. (Leedaap 24-25).
Hemong Dowa Jatjih
Jisu Kristo tup rangwuung nyia hete hewah khiikkhi (1:1—2:23)
Juungtemte Joon mootkaat (3:1-12)
Jisu juungtem nyia heh phate joonnaam(3:13—4:11)
Jisu mootkaat noksong dung ni(4:12—18:35)
Galili nawa Jerusalem ni(19:1—20:32)
Hethoon saasinet nyi Jerusalem reeni(21:1—27:66)
Teesu tek nawa ngaakthing nyia hethe hekhoh dong tup(28:1-20)
1
Jisu te awah loong
(Luk 3:23-38)
1 Jisu Kristo te awah Dewid sutoom loong, marah Abraham sutoom angta loong ah arah.
2-6a Abraham dowa ih Dewid tuk ih arah loong te awah rah ang rumta: Abraham, Isak, Jaakob, Juda nyi soophoh loong; erah lilih Perej nyia Jera (Nyi nuh ah Tamar angta), Hejron, Ram, Aminadab, Nason, Salmon, Booj (heh nuh ah Raahab angta), Obed (heh nuh ah Ruth), Jiisi nyia luungwang Dewid.
6b-11 Dewid dowa ih 1:6-11 2Lu 24:14,15; 2Tet 36:10; Jer 27:20 Ijirel mina loong Bebiloon ni doksoon karumta tokdi te awah ah arah loong ah ang rumta: Dewid, Solomon (heh nuh rah langla Uriah minuh angta), Rehoboom, Abijah, Asa, Jehosaphat, Jehoram, Ujiah, Jotham, Ahaj, Hejekiah, Maniseh, Amon, Josiah, Jehochin nyia heh no loong ang rumta.
12-16 Bebiloon ni doksoon karumta dowa ih Jisu Kristo tupta mong adi te awah rah arah loong ah ang rumta: Jehoiachin, Siiltil, Jerubabel, Abiud, Eliakim, Ajor, Jaadok, Achim, Eliud, Eliajar, Matthan, Jaakob, nyia Jisu ah Kristo et poon rumta nuh Meeri kapte wah Josep.
17 Erah ang abah, Dewid dowa ih Abraham chamchi ni mina hasong ah asih roi baji angta, eno Dewid dowa ih Bebiloon ni hamat karumta mong adi asih roi baji angta erah damdi Bebiloon ni hamat karumta dowa ih Jisu tup ra taha chamchi adi uh asih roobaji angta.
Jisu Kristo tup rangwuung
(Luk 2:1-7)
18 1:18 Luk 1:27Jisu Kristo ah ame tupta. Heh nuh Meeri ah Josep damdi kakhat muita, enoothong maang nookmui nyuuka ngadi, Meeri suh Esa Chiiala nawa ih hemong ni heh sah ejen wok et thukta. 19 Josep ah saarookwih epun ih reete toongtang mina angta, ang abah uh heh ih Meeri asuh noksong dung nah erakri phoh eah ih thun ano; husah lam ih we paak haatmui suh taat thunta. 20 Heh ih erah thunta tok adi, Teesu ih Rangsah ah heh mangphe di dongchap ano baat thukta, “Josep, Dewid sutoom, Meeri ah an sanuh et kap suh nakcho uh. Tumeah heh suh Esa Chiiala nawa ih sakjih ang thukla. 21 1:21 Luk 1:27Heh ih miwasah et dong tup ah, eno an ih heh men ah Jisu et men theng tumeah heh ih heh mina loong neng rangdah nawa puipang ah.”
22 Erah langla Teesu ih khowah suh baatta jengkhaap ah amiisak toom ang raaha ih ang thukla, 23 1:23 Isa 7:14 (LXX) “Kateng Jaalah esiit heh sah wok ano heh sah ah miwasah ang ah, eno Imanuel et poon ah” (erah langla, “Rangte ah seng damdi”)
24 Eno Josep ah jup nawa saat ano, Rangsah ih baatta jun ih, Meeri ah kapta. 25 1:25 Luk 2:21 Ang abah uh heh sah tup ngah di Meeri damdi taroom jupta. Eno Josep ih heh men ah Jisu et menta.