14
Jisu tekhaat kaankoong
(Mat 26:1-5; Luk 22:1-2; Jn 11:45-53)
1 14:1 Hpkt 12:1-27 Khopui Kuwaang nyia Toomuh Baanlo Kuwaang phaksat thok suh saanyi tongta. Romwah phokhoh nyia Hootthe nyootte loong ih, Jisu ah husah lam ih khak ano tek haat suh lampo jam rumta. 2 “Kuwaang mong dobah seng lajaatjaat reejih, miloong ah phophaang jaang rum ah, neng liita.”
Bethani ni Jisu phontum ih lokta
(Mat 26:6-13; Jn 12:1-8)
3 14:3 Luk 7:37,38 Bithani hadaang ni Jisu ah Simoon maangdi engam angta wah nok adi roong tongta. Jisu phaksat tokdi minuh nusiit ih heh lak ni mojaang thuungsiit thaangchaan thaang phontum* 14:3Phontumsak ni tingmokjih tummangmang (perfume) ah pi ano wangta. Eno moojaang† 14:3 Moojaangjuung thiintheng (bottle) kep ah thajop ano Jisu khoni keelokta. 4 Erah dowa mararah miloong ah khah rum ano neng chamchi ni roongwaan rumta, “Erathan thaangchaan thaang phontum ah tumjih suh thaaja ha?” 5 Erah bah chaajom‡ 14:5chaajomTeewadi chaajom jaan ngun ah paang siit lakbi thaang di toota. nang ih ehan ngunkholok doh sang ano ngun ah changthih loong suh minchan kotjih boh angta!” Eno neng ih minuh ah rapne ih chikram li rumta.
6 Enoothong Jisu ih li rumta, “Heh nak thaam paklak an! Heh suh sen tume sootsaam lan? Heh nga raangtaan ih eseejih reeraangla. 7 14:7 Hodb 15:11Changthih loong abah saarookwih noongrep nah sen damdam ang ha, chosok ih suh li anbah tiimtok doh uh ejen chosok et an. Ngah ah sen damdoh saatangtang lakah roong tongte. 8 Heh tumjih reejih angta erah reela; heh ih nga sak ni phontum ih lok halang ah langla saapoot maang angka ngakhoh nah nga mangbeng suh ban khookhamha. 9 Ngah ih ami tiit baat rumhala, mongrep thoontang nah ruurangese marah doh thok ah erah doh arah nuh reela tiit ah, ban samthun ruh ejih ang ah.”
Judas ih Jisu tek haat suh ngun thaangta
(Mat 26:14-26; Luk 22:3-6)
10 Eno asih wanyi heliphante dowa Judas Iskerot ih Romwah Phokhoh loong suh Jisu khumtan kaatta. 11 Eno neng ah erah tiit ah chaat rum ano roon ih rumta, eno heh suh ngun kottheng ih kakham rumta. Erah dowa ih Judas ih Jisu ah ma doh jap jokoh rum ang ih saapoot bantho thakta.
Heliphante damdi Jisu ih kuwaang phaksat phaksata
(Mat 26:17-25; Luk 22:7-14,21-23; Jn 13:21-30)
12 Toomuh Baanlo§ 14:12 Toomuh Baanlo kuh: To lari thang ih baanlo phak kuwaang (Unleaven Bread) Kuwaang sa sakhothoon adi, neng banlam di Khopui Kuwaang doh phaksat suh saapsah loong kadook rumta, Jisu suh heliphante loong ih cheng rumta, “An ih seng maanah kaat thuk he, an raangtaan ih Khopui Kuwaang phaksat khookham raangtaan ih ah?”
13 Eno heliphante dowa wanyi asuh amet baat ano kaat thukta: “Samnuthung adoh kah ansih, erah doh mih wasiit khamteng tek ah pi ano wangha rah chomui ansih, eno erah wah lilih ih roongwang ansih. 14 Heh marah doh nop ah erah nok changte asuh cheng ansih: ‘Seng suh Nyootte wah ih liita, Nga liphante nyia ngah ih kuwaang phaksat sat theng nokkhok maani ah?’ 15 Eno heh ih rangkhoh thoon nokkhok elongwah esiit baat koh hansih, erah doh seng raang ih tongtheng thaatheng nyia jaatrep ban khookham cho japtup kah ansih. Eno set ih phaksat ah erah doh ban songwaang theng.”
16 Eno wanyi ah samnuthung adi kah nyu ano Jisu ih mamet baatta erah jun ih jaatrep echoi et tup kah nyuuta. Eno nyi ih Khopui Kuwaang phaksat ah ban khookham kah nyuuta.
17 Rangjaako ih hoon damdam Jisu nyia heliphante asih wanyi ah ra rum taha. 18 14:18 Rsb 41:9 Neng erah di teebun ni room phaksat tokdi Jisu ih liita, “Sengdung ni wasiit nga khumtante eje erah mih ah nga damdi room phaksah ih hala.”
19 Heliphante loong ah rapne ih thungthih rum ano wasiit wasiit ih cheng rumta, “Ngah suh nih li halang?”
20 Jisu ih liita, “Erah sen asih wanyi dung dowa, nga damdi khuung esiit ni baanlo roongtem phakte mina ang ah. 21 Mina Sah baleh etek haat jaatjaat ih rum ah, Rangteele ni mamet raangha jun ih ah. “Enoothong tumthan ethih angbaat ah Mina Sah khumtante raang ih ah. Erah mih abah lalaan tupta bah ese ang thengta!”
Teesu phaksat
(Mat 26:26-30; Luk 22:14-20; 1Kr 11:23-25)
22 Neng phaksat phaksah rum adi, Jisu ih baanlo ah toonpi ano Rangte suh lakookmi li ano chepphiitta, eno heliphante loong asuh pheekoh rumta, “Thaang an, arah nga sak,” Jisu ih liita.
23 Erah lilih lokkep ah toon ano Rangte suh jengseeraata, eno erah lokkep dowa loongtang ih jok rumta. 24 14:24 Hpkt 24:8; Jer 31:31-34 Heh ih liita, “Arah nga sih mina loong raang ih jan ra hala. Arah sih rah ih Rangte nyia heh mina loong chamchi ni jengdang kakhat * 14:24 Heh sih: Heh sih rah ih Rangte jengdang ah heh mina loong suh neng ten ni thiin thuk ah ena ah Rangte ih hoonha. 25 Ngah ih baat rumhala, aadowa ih ngah ih arah kham ah babah uh takah we jokkang. Heh rangwuung rookli ano kham na ah Rangte Hasong nah ba we jok ang.”
26 Eno neng rangsoom boong ah boong rum ano Olib Kong ni wang rumta.
Jisu ih Pitar leek tiit banbaatta
(Mat 26:31-35; Luk 22:31-34; Jn 13:36-38)
27 14:27 Jek 13:7 Jisu ih baat rumta, “Sen loong nga re nawa loongtang saapsoonte ang lan, Rangteele ni liiha,
‘Rangte ih saapriimte warah tek haat ano saapsah loong ah thaapnya khoom rum ah.’ 28 14:28 Mat 28:16Enoothong ngah etek nawa we ngaaksaat angno, Galili hah nah sen ngah nah ban kah ang.”
29 Pitar ih ngaakbaatta, “Ngah ih bah an babah uh tajen thiinhaat ra, wahoh loong ih thiinhaat ho bah uh ah!”
30 Jisu ih Pitar suh liita, “Ngah ih baat hala niikja woh leknyi maang weeka nganah, an ih tajatkang ih lekjom jeng uh.”
31 Eno Pitar ih ehan han ih we ngaakbaatta, “Ngah an damdoh waktek haat hang doh botseh, emah tajeng kang!”
Heliphante wahoh loong ah uh emamah ih roongjeng rumta.
Getsemani ni Jisu ih rangsoomta
(Mat 26:36-46; Luk 22:39-46)
32 Neng Getsimani hah adi thokrum ano, Jisu ih heliphante loong asuh baatta, “Ngah ih rangsoom ang pootdoh adoh tong an.” 33 Heh damdi Pitar, Jeems nyia ah Joon ah waksiit wanta. Heh phang sootsaam nyia heh mong chikrok ano, 34 Jisu ih baat rumta, “Nga ten ehan thoon ih paattiila, ngah bah tek thanthan ih hoon lang.” “Adoh tong anno bantho he.”
35 Amasah hiikkhoom ano, Jisu hani kotbon ano rangsoomta, jen lang eabah erah chamchoh saapoot ah nak chothuk weeuh, 36 “Ewah Jisu ih rangsoomta, “Seng Wah!” Andi bah jaatrep tachaanka, arah chamnaang lookkep ah nga re nawa toonhaat et weeuh. Enoothong nga thung jun lah angthang an thung jun ju toom ang ah.”
37 Eno heliphante wajom jiinni ngaak adi neng ah emokjup ih rum arah japtup kata. Jisu ih Pitar suh liita, “Simoon mokjup nih elu? Sen saapootsiit taan uh motseng tanih jen tong kan?” 38 Motseng ih tong an no chaan aphaan raangtaan ih rangsoom an phate joonnaam ih nak toom jen han. Chiiala ah enook ela, enoothong hansi ah naangla.”
39 Jisu we ngaak wang ano phosiitsiit ih we soomwangta. 40 Eno we ngaak raaha di uh heliphante wajom ah thok mokjup ruh ih rumta; Neng mik uh lajen daapsok rum thang ah. Eno Jisu suh tumjih uh tami baat rumta.
41 Heh rangsoom theng nawa takjom ngaak ha di uh neng ah hephoopho ih mokjup rumta, eno we li rumta, “Amadi uh thok naangjup ruh nih elan?” Erah than jup an chang ih ah! Saapoot chang ela! Sokthaak an, “Mina Sah ah amadoh rangdah mina loong lak nah koh ah. 42 Saat an kah ih, erah sok an, “Nga khumtante wah rah ah!”
Jisu khakwanta
(Mat 26:47-56; Luk 22:47-53; Jn 18:3-12)
43 Jisu ih baat tokdi heliphante asih wanyi dung nawa, Judas dong khoom taha. Heh damdi miloong langnuh pawah nyia kiingthom waangrak ih roong dong khoom rum taha, Romwah phokhoh loong, Hootthe nyootte loong nyia mihak phokhoh loong ih daapkaat rum taha. 44 Heh khumtante wah rah ih miloong asuh hubaat rumta: “Ngah ih marah wah ah chupphak ang erah wah ah ang ah, sen ih jam han warah ah. Eno khak anno bante loong suh siitwan thuk an.”
45 Judas heh laanthok khoom, Jisu reeni kah ano liita, “Nyootte!” Eno chupphakta. 46 Eno neng ih Jisu ah joh rum ano khak rumta. 47 Eno erah chap rumta dung dowa wasiit ih heh lang ah dok hoom ano Romwah phokhothoon dah na ah chepdookta. 48 Eno Jisu ah toon jeng ano li rumta, “Hootthe thet haatte jokah ah likhiik langpi papi nyia kiingthom waangrak nga joot tam ra tahan?” 49 14:49 Luk 19:47; 21:37“Saarookwih ngah sen damdi Rangteenok ni tonghang no kanyootsoot tang adi mamah lajoh khak ih tahe? Enoothong, Rangteele ni liiha amiisak jaatjaat ang raaha.”
50 Eno heliphante loongtang heh ah thiinhaat rum ano saapsoon rumta.
51 Jaaro wasiit nyuleep di choom arah ih Jisu lini roongphan khoomta. Eno neng ih heh khak taat thot rumta, 52 enoothong heh ah boongloong henyuh hekhat ah khook haat thiin ano moong soonta.
Jisu ngoongthum nok ni siitwanta
(Mat 26:57-68; Luk 22:54-55,63-67; Jn 18:13-14,19-24)
53 Eno Jisu ah Romwah Phokhothoon† 14:53 Romwah Phokhothoon: Romwah loongdung dowa elongthoon ah (High Priest) nok ni siitwan rumta, erah di Romwah Phokhoh loong, mihak phokhoh loong, nyia Hootthe Nyootte loong thoontang thutthi rumta. 54 Pitar ih haloot nawa ih rikwan ano Romwah Phokhothoon nok taakkhuung adi wangta. Erah di bante damdi weekaang ni roong hangtong wangta. 55 Romwah Phokhoh loong nyi hadaang Ngoong awang loong ah ih Jisu kap tek haat suh heh thet tiitbaatte taat jam rumta, eno o uh tachojam rumta. 56 Jisu thetre tiit baat hantek ih taat leekbaat rumta, ang abah uh erah jeng loong adi tajun rumta.
57 Eno mararah Jisu miksukte ih toonchap leh hahuung tiit ah leekbaat et rumta: 58 14:58 Jn 2:19“Seng ih ame jeng arah chaatti, ‘Ngah ih arah mina ih hoonta Rangteenok ah thaak haat angno, sa jom lidoh mina ih lahoonka rah hoon ang.’ ” 59 Neng thung nawa ih dong hoon arah tiit taatbaat rum abah uh tajunwaan rumta.
60 Loongtang ngah ni Romwah Phokhothoon ah toonchap ano Jisu suh chengta, “An tiit erathan et thetbaat rum halu adi, an ih ngaakbaat jih tanih jeeka?”
61 Enoothong Jisu ah khaapsiit uh tatoon jengta. Eno Romwah Phokhothoon rah ih we cheng, “An ah Kristo tama, marah seng ih soomtu hi Rangte sah rah ah?”
62 14:62 Dan 7:13Jisu ih liita, “Elang eah ngah, sen ih mina Sah ah Elongthoon Rangte heh jawah koh tongtheng adoh roongtong arah nep japtup an, erah damdoh rang nawa jiingmuung damdoh raaha arah nep kaptup an!” 63 Eno Romwah Phokhothoon rah ih heh nyuh ah ranhoom‡ 14:63Nyuh ranhoomNyuh ranhoom ah neng banlam di echoojih tenkhat noisokta ano liita, “Seng ih erah tokkhodoh an thet tiit baat suh haaki takah boot jamke! 64 14:64 Lew 24:16“Rangte kaanju tiit loongtang ih ejap chaat et han. Eno bah sen ih mamet thunhan?”
Eno loongtang roongjeng rumta: elang eah ethih ela etek haat ju etjih.
65 Mararah ih Jisu ah neng took ih nep phang betook rumta, eno heh mik ah loop rum ano buh leh cheng et rumta. “Jat thaak he o ih buh halu!” Eno bante loong ah ih joh rum ano heh the adi baangbuh rumta.”
Pitar ih Jisu tiit leekbaat
(Mat 26:69-75; Luk 22:56-62; Jn 18:15-18,25-27)
66 Pitar uh Romwah phokhoh danuh raak tokdi, nok taakkhuung ni thok tongruh eta. 67 Erah nuh rah ih Pitar ah we ni hangtong arah japtup ano heh ah chiichi et sok ano liita, “An uh Nazareth nawa Jisu damdi roong angtu.”
68 Eno Pitar ah leek eta. “Ngah ih tajatkang... Tumjih tiit baat hu erah ah, ngah ih tasamjat kang,” eno heh ah pa kaawan ko ih dokkhoom kata. Erah damdam woh ah weeta.§ 14:68 Mararah leedap adi arah tajeekawoh ah weeta
69 Danuh rah ih Pitar we japtup ano, heh reeni chapta miloong asuh we baatta, “Arah uh Jisu damdi khoomte loongdung dowa wasiit!” 70 Eno Pitar ah we leekta.
Chomre lidi mih heh reeni chapta loong ih we li rumta, “An bah neng dung dowa ju angkoko nak leek kuh, tumeah an uh Galili nok hah nawa.”
71 Pitar ih liita, “Ngah ih ami tiit baat rumhala! Tiit huung baatkang bah Rang ih toom cham thuk kohang, ngah ih tajaatjaat jatkang sen ih o suh li han rah ah!”
72 Erah damdam woh ah we weeta, eno Pitar ih Jisu ih mamet baatta rah dokthunta, “Woh jaanyi maang weeka doh an lekjom leek uh ngah ih tajatkang eah.” Eno Pitar ah thungthih ano huungta.
14:1 14:1 Hpkt 12:1-27
14:3 14:3 Luk 7:37,38
*14:3 14:3Phontumsak ni tingmokjih tummangmang (perfume)
†14:3 14:3 Moojaangjuung thiintheng (bottle)
‡14:5 14:5chaajomTeewadi chaajom jaan ngun ah paang siit lakbi thaang di toota.
14:7 14:7 Hodb 15:11
§14:12 14:12 Toomuh Baanlo kuh: To lari thang ih baanlo phak kuwaang (Unleaven Bread)
14:18 14:18 Rsb 41:9
14:24 14:24 Hpkt 24:8; Jer 31:31-34
*14:24 14:24 Heh sih: Heh sih rah ih Rangte jengdang ah heh mina loong suh neng ten ni thiin thuk ah
14:27 14:27 Jek 13:7
14:28 14:28 Mat 28:16
14:49 14:49 Luk 19:47; 21:37
†14:53 14:53 Romwah Phokhothoon: Romwah loongdung dowa elongthoon ah (High Priest)
14:58 14:58 Jn 2:19
14:62 14:62 Dan 7:13
‡14:63 14:63Nyuh ranhoomNyuh ranhoom ah neng banlam di echoojih tenkhat noisokta
14:64 14:64 Lew 24:16
§14:68 14:68 Mararah leedap adi arah tajeekawoh ah weeta