5
Leeraangtui nyia Saapsah
1 5:1 Ijk 2:9,10; Isa 29:11 Ngah ih luuwang tongtheng ni tongte wah dakchah lak adi ang arah leeraangtui ah tuptang; erah haanghop eraang choi loop arah angta, eno erah sin hoonchoi sinet angta. 2 Eno ngah ih elong rangsah tuptang, erah ih erongwah tha raamta, “Leeraangtui khak ha rah ngo ih sin ah jen thahaat ano jen ja ah?” 3 Enoothong hemong dowa jen ja sok suh rangmong ni nyia hatoh ni eno mongrep lamma* 5:3 Marah rah adi “Mongrep etek etheng” Marah rah adi mongrep lamma raangha. ni ngo uh tajeeta. 4 Ngah sattitih ih huungtang mamah liidih wasiit taan uh leeraangtui ah daap ano heh mong ah jen sokte ngo uh tajeeta. 5 5:5 Rangph 49:9; Isa 11:1,10 Eno mihak dung dowa wasiit ih ngah suh baat tahang, “Nak hung uh. Sok thaak uh! Dewid sutoom satoom, Juda jaat apaat dowa Sakhobung ih jenta, eno heh ibah sin sinet ah jen ja ah nyia leeraangtui ah jen daap ah”
6 5:6 Isa 53:7; Jek 4:10 Eno ngah ih uh luuwang tongtheng laktung adi Saapsah chap arah japtup tang, ething jih ajaat baji ih nyia mihak phokhoh loong ih kook chap rumta. Saapsah ah tek bot choi ang arah likhiik tuptang. Heh rong nyia heh mik ah sinet sinet angta, erah loong ah langla Rangte ih sinet moong achaang hatoh noongrep ni daapkaat taha. 7 Saapsah rah wang ano marah tongtheng ni tongta wah lak dakchah ko ni piita leeraangtui ah thaang pi wangta. 8 5:8 Rsb 141:2 Heh ih erah reeta adi, ething jih ajaat baji nyia rooknyi wah baji mihak phokhoh loong ah saap Sah ngathong ni ngupbon wang rumta. Neng jinni bang † 5:8 Inglis di harp liihachangding nyia komkhuung adi phontumkaang‡ 5:8 “Phontumkaang” ah rangsoomte loong ih kah tumtak ah chaanthah asuh liiha. loong ah eme choi angta, erah loong ah langla Rangte mina loong rangsoom rum arah angta. 9 5:9 Rsb 33:3; 98:1; Isa 42:10 Neng loong ah boong ena boong rumta:
“An ibah leeraangtui ah pi suh epun elu,
eno erah jen ja suh uh an epun elu.
An etek haat ih taho, an roidong kotu dowa ih Rangte suh
mina jaat apaat, jeng maama maama jengte, deek dowa eno wahoh loong ah rekoh rumtu.
10 5:10 Hpkt 19:6; Mot 1:6 Neng ah Rangte mootkaat raangtaan ih hasong romwah ih hoon rumtu,
eno neng ih hatoh adoh pan rum ah.”
11 5:11 Dan 7:10Ngah ih we soktang adi, rangsah jeng arah we chaattang, neng loong wiik than ang rumta! Neng loong ih luuwang tongtheng nyia baji ething jih ajaat loong nyia mihak phokhoh loong ah kookchap rumta, 12 eno erongwah ih riing boong rumta
“Saapsah etek haat erumta rah ih chaan aphaan,
nyamka, mongtham, tah achaan,
soomtu esuh, phoongpha esuh, eno rangka esuh nep epun eh ah!”
13 Ngah ih rangmong ni jirep jih ajaat loong boong rum arah chaattang, hatoh dowa, hakhui dowa, eno juungsih mong dowa—timthan ething noongrep nawa loong boong boong rumta:
“Marah luuwang tongtheng ni tongta nyia saap Sah suh boong koh rumta,
erangka nyia soomtu eh ih, ephoongpha nyia chaan aphaan, roitang raangtaan ih toom ang ah!”
14 Baji ething jih ajaat loong ih ngaakbaat rumta, “Amen!” Eno mihak phokhoh loong ah ngupdat rum ano soom rumta.
5:1 5:1 Ijk 2:9,10; Isa 29:11
*5:3 5:3 Marah rah adi “Mongrep etek etheng” Marah rah adi mongrep lamma raangha.
5:5 5:5 Rangph 49:9; Isa 11:1,10
5:6 5:6 Isa 53:7; Jek 4:10
5:8 5:8 Rsb 141:2
†5:8 5:8 Inglis di harp liiha
‡5:8 5:8 “Phontumkaang” ah rangsoomte loong ih kah tumtak ah chaanthah asuh liiha.
5:9 5:9 Rsb 33:3; 98:1; Isa 42:10
5:10 5:10 Hpkt 19:6; Mot 1:6
5:11 5:11 Dan 7:10