ESDRAS.
2.
Nica eltoc inintoca nopa israelitame catli quistejque tlali Babilonia huan sempa yajque altepetl Jerusalén huan campa hueli ipan tlali Judá campa ejque ininhueyi tatahua. Tlanahuatijquetl Nabucodonosor huejcajya quinhuicatoya ininhuejcapan tatahua ilpitoque hasta Babilonia para tetequipanose. Nojquiya nica eltoc quesqui tlacame mocuepque catli hualajque ipan sesen ininhuejcapan tata catli quipehualti sesen familia. 
Nopa tlayacanca tlacame catli mocuepque ica Zorobabel elque: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum huan Baana. Huan nica techilhuía quesqui sequinoc israelita tlacame yajque ihuaya Zorobabel huan ajqueya ininhueyi tata. Yajque tlacame catli itztoyaj iteipan ixhuihua ni hueyi tatame huan nica techilhuía quesqui ininteipan ixhuihua yajque: Hueyi tata, Quesqui Paros, 2,172 Sefatías, 372 Ara, 775 Pahat Moab tlen Jesúa huan Joab, 2,812 Elam, 1,254 Zatu, 945 Zacai, 760 Bani, 642 Bebai, 623 Azgad, 1,222 Adonicam, 666 Bigvai, 2,056 Adín, 454 Ater iixhui Ezequías, 98 Bezai, 323 Jora, 112 Hasum, 223 Gibar, 95 
Nojquiya yajque ihuaya Zorobabel tlacame tlen ni altepeme huan nica techilhuía quesqui yajque tlen sese altepetl: Altepetl, Quesqui Belén, 123 Netofa, 56 Anatot, 128 Bet Azmavet, 42 Quiriat Jearim, Cafira huan Beerot, 743 Ramá huan Geba, 621 Micmas, 122 Betel huan Hai, 223 Nebo, 52 iteipan ixhuihua Magbis, 156 Elam, 1,254 Harim, 320 Lod, Hadid, Ono, 725 Jericó, 345 Senaa, 3,630 
Nopa israelita totajtzitzi catli mocuepqui elque iniixhuihua ni familias huan nica techilhuía quesqui yajque: Familia, Quesqui Jedaías huan icone Jesúa, 973 Imer, 1,052 Pasur, 1,247 Harim, 1,017 
Nopa levitame catli amo totajtzitzi catli mocuepque elque 74 tlen nopa familias Jesúa huan Cadmiel catli elque iixhuihua Hodavías. 
Mocuepque 128 huicani tlen nopa familia Asaf. 
Mocuepque 139 tlamocuitlahuiani ipan ipuertajyo tiopamitl tlen familias: Salum, Ater, Talmón, Acub, Hatita huan Sobai. 
Huan ni tequipanohuani catli tequitque tiopan calijtic quipixque iniixhuihua catli mocuepque tlen nopa tlalme campa quinhuicatoyaj: Ziha, Hasufa, Tabaot, 
Queros, Siaha, Padón, 
Lebana, Hagaba, Acub, 
Hagab, Salmai, Hanán, 
Gidel, Gahar, Reaía, 
Rezín, Necoda, Gazam, 
Uza, Paseah, Besai, 
Asena, Meunim, Nefusím, 
Bacbuc, Hacufa, Harhur, 
Bazlut, Mehída, Harsa, 
Barcos, Sísara, Tema, 
Nezía huan Hatifa. 
Huan ni tlacame catli huejcajya eliyayaj itequiticahua Salomón quinpixque ininteipan ixhuihua catli mocuepque tlen nopa tlalme campa quinhuicatoyaj: Sotai, Soferet, Peruda, 
Jaala, Darcón, Gidel, 
Sefatías, Hatil, Poqueret Hazebaim huan Ami. 
Huajca san sejco nochi tequipanohuani ipan tiopamitl huan nochi catli itztoyaj ininteipan ixhuihua itequiticahua Salomón mochijque 392. 
Sequinoc masehualme nojquiya mocuepque Jerusalén catli quisque ipan tlali Persia tlen altepeme Tel Mela, Tel Harsa, Querub, Addán huan Imer. Pero amo huelque quinextíaj sintla nelía israelitame pampa amo quipantijque inintocax, niyon inintoca inintatahua ipan nopa lista campa eltoya nochi israelitame catli quinhuicaque Babilonia achtihuiya. 
Elque 652 ni tlacame catli elque iteipan ixhuihua Delaía, Tobías huan Necoda. 
Huan nojquiya ipan ininteipan ixhuihua nopa totajtzitzi itztoyaj sequin catli amo quipantijque inintoca. Itztoyaj ininteipan ixhuihua Habaía, Cos huan Barzilai. Barzilai quiseli nopa itoca pampa mosihuajti ihuaya iichpoca se tlacatl catli itoca Barzilai catli ejqui tlali Galaad huan quiseli itoca ifamilia isihua. 
Huan nojquiya amo quipantijque inintoca ipan amatlapohuali huan huajca nochi quinitaque para amo tlapajpacme iixpa TOTECO para tequipanose quen totajtzitzi. 
Huan nopa tlanahuatijquetl quinilhui para amo ma quicuaca inintlacualis totajtzitzi hasta se totajtzi quitlatzintoquilisquía TOTECO ica nopa piltetzitzi catli itoca Urim huan Tumim, nopa dados tlatzejtzeloltic tlen TOTECO, para quimatis sintla nelía eliyayaj totajtzitzi o amo. 
Quema mosentilijque san sejco para ma mocuepaca eliyayaj 42,360 masehualme, 
huan iyoca 7,337 inintequipanojcahua, sihuame huan tlacame. Huan nojquiya itztoyaj 200 huicani, sihuame huan tlacame. 
Huan quinpixque 736 cahuayojme, huan 245 mulas, 
huan 435 camellos huan 6,720 burrojme. 
Huan quema ajsicoj ipan altepetl Jerusalén campa eltoya itiopa TOTECO, sequin nopa tlayacanca tatame temacaque tomi quen ipan ininyolo quisqui para tlapalehuise para quicualtlalise nopa tiopamitl. 
Sese inijuanti temacaque catli huelque huan quen quipixque paquilistli temacase. Huan quisentilijque 61,000 oro tomi, 3,000 kilos tlen plata huan 100 ininyoyo totajtzitzi. 
Huan nochi inijuanti catli eliyayaj totajtzitzi o levitame mocajque ipan altepetl Jerusalén huan nopona mochantijque. Pero nopa huicani huan catli quimocuitlahuise tiopamitl ipuertajyo, huan catli tequitise tiopan calijtic huan nochi sequinoc israelitame yajque mochantitoj ipan altepeme campa hualajtoyaj inintatahua campa hueli ipan tlali Judá.