Sam.
13.
Nabz ne Devet kx yrbzle mz kxrmailz ngr dzbe kxnzngrng. ?Yawe, myx kxmule, namrbrtitr-alope drtwrm ninge? ?Namnc-rlru-alopeme bange? 
?Nelznge navzdz-alopem? ?X drtwrnge navz-alope? ?X namnclz-alopebo mz zmatq ngr enqmi rngeng? 
Yawe, obqm bange x ayzlum natqnge. Ka-mop bange nzxplr-krnge murde ma tqbzx. 
Bzkq rlr-ngrbzme mz enqmi rngeng nzpi-krdr kx nzaovxiopelr ninge. X bzkq rlr-ngrbzme nzabrtzlvz-krdr nzrnrcti-lzbq-krnge. 
Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge. 
Yawe, sa nangrbo bam murde amrlz-zlwzpeq ninge. Mz da amrlx kx kame bange, Yawe, sa nangrbo bam.