Sam.
20.
Nabz ne Devet kx yrbzle mz kxrmailz ngr dzbe kxnzngrng. Yawe, nim Gct r melrmqgr Jekop. X krka'-ngrgr kx na-ayzlume natq king rgr. X mzli kc nakxpu-ngrde okatrpz nide. 
Mz nzmnc-krm Newz Saeon mz Mangr-nzangiongr, Aclve x axplr nide. 
Abrtzlvz da kx rlr-ngrbzle bam. X suti drtwrgr nzelalz-krm drtwrm mz blz kx angcle mz olta nyzm. 
Kabz bade da kcng tqsuti drtwrde, X angidatibz nepu nr drtwrdeng amrlx. 
X sa namalqlvzkr nzaovxio-krde. X naglqlzkr nim, Gct rgr. Yawe, ayzlum natqdeng amrlx. Eu, angida. 
Yawe, ninge king kc tqmcpxq. X mzli ka krlzpex kx okatrq ninge mz nzaovxiongr. X sa na-ayzluome natqnge mrla tqmnc-ngrn Heven kxtr, X nakame bange zmatq ngr nzngini-krnge Ngrlrvea. 
Kzdung leplz nzabrtrpzlr drtwrdr mz ami nedrng, X kzdung mz dalr nzotangr. Da lcdeng trnaokatrlru nidr x nztaong mz vea. A' Yawe Gct rgr, tu-amqngi-zvzkr, murde abrtxtrpwzkr drtwrgr bam. 
Yawe, kabz zmatq ngr nzaovxiongr mz king nem. X mz nzkqle-krbzkr nim, ayzlum natqgr.