Sam.
43.
Gct, pipxbz mz krkcng trnzangiolru nim kx trvz-rbrwxu. Arlapx ninge mz mq krkcng tztrkating x tzpokiang. 
Nim me rlakitrx. ?Memule tqrlasz-ngrn ninge? ?X memule tqkxpu-zvz-ngrne Mz nzaetqti-krm enqmi rngeng drtqnge? 
Atwzlr-ngrm bange zyzlr ngrm x nzalvztrngr angidrng, Mz nzmailz-mou-krdr ninge Saeon, mz newz kxtr nyzm. Murde nakrlzlzbo Mangr-nzangiongr kc tqmnc-ngrn, 
X na-angiox nim mz olta nyzm, Mz nzngini-krm nou nzabrtz-krnge. X na-angrlvzx nim mz nzayrni-krbo gita bam. 
Kxmule-esz' nabznge talvzo x nelznge vzdzm, A' sa na-abrtxtrpwo drtwrnge bam. Murde naglqlz-mou-ngrne nim kalr, Mzli kc na-arlapxq ninge.