Sam.
114.
Mzli kc lr Israel nzrlasz-ngrdr Ijipt, Mz nzngini-krdr lr mrkzbleng elr, 
Lr Judz lcng tznginipedr leplz kxnztrng ne Yawe, Mz nzaclve-krde drtc' nyzdr, Israel. 
Prla Bla akipx-lzbq x pzlzm. X LueJodzn lvxpxbzle lrpzki badr. 
X mzli lc newz x nra nzyameng, Nzapulr nzblc-abrtznekr nei sip. 
?Myx kxmule, Prla Bla tqakipx-lzbq-ngrde, X LueJodzn tqlvxpx-ngrde lrpzki? 
?X nike nzyamengr newz x nra amrlx Mz nzapu-krdr nzabrtzkr nei sip? 
Da kcng tqwzngr Yawe nzvz-nqblqlr natqde. Nzelalvzlr nzaelwapx-krde zmatq ngrde, mz nzngini-krde Gct r lr Israel. 
Murde batrpzle nzyrlepx-krm lue mz rplz, Lue lc tqngi aulz mz rplz.