Sam.
120.
Nabz kx nzngrnelzngr Jerusalem mz nzangiongr. Mzli kc tqmnc-ngrne mz nzkxpungr, kqlex Yawe, X ayzlu-ngrmle natqnge. 
Rpibo bade kx, “Yawe, arlapxbz ninge Mz leplz kxnzpokiang x nzesabrng.” 
?Nimu leplz kxnzpokiang, Krlzpeamu da kx nawaisrngr Yawe nimu? 
Sa na-ayrplapx-zlwzle nimu Mz nipna sc ncblo ngr vea x mz nyr kxpq zlwz. 
Nzmnc-lxblr-krgu trka-zlwzm bange, Apule kx mnckr badr leplz kxdrka'-ngrng. 
Mzli boitx zlwz mnctibo bamu, Nimu leplz kcng tzpxtxpx-ngrdr nrwx. 
Dekc mzli kc tqryapwxtr-ngrne mz nrwx, Suti alzu drtwrmu nzotangr.