Sam.
137.
Kx dcpx mz drtwrgr nzodatingr Jerusalem, Sc tqyrnipekr mz nzwxbune-krgr mrkzble mz nqlvi r ningaling Bxbilon. 
X gita negrng adotxlzpekrng Mz nounc kx nztung mrlcde. 
Krkcng tzlolvztilr nigr, tzxtrnga-ngrdr nigr, nzrpimlr bagr kx, “Ngr-ngrmamu du bagr nabz kxtr nemung.” 
A' mz drtwrgr rpikr kx, “Rblx nzngr-abrtz-krbzkr mz Yawe, Mz nzmnc-krgr mz mztea nyz kxtrnzrlxngitiung. 
Murde nzmu kx tqmrbrtitr drtwrnge Jerusalem, Namrbrtitr kz drtwrnge kxmu nzayrni-krnge gita nenge. 
X nzmu kx tqrblx nzdcpx-kaikr Jerusalem mz nabznge, Narblx kz nzngr-krnge nabz ngrdeng.” 
Yawe, nadcpxpwz mz drtwrm alwx ngr lr Edom. Murde mzli kc lr Bxbilon tzodati-ngrdr Jerusalem, Sc tzrpibzlr badr kx, “Odatiamu! Odatiamu x natutx-lxlrngr.” 
Yawe, rlxtibzkr bam nzamrlz-krm ncblo kc naodati-atwrnr-ngrde lr Bxbilon, Mz nzayzlu-krbzle badr da kcng tzwaisr-ngrdr nigr. 
Murde na-abrtz-ngrde nzlolvzti-krde doa lcng, Mz nztamyrtitx-krde nidr.