1 ImiLando.
8.
UBhenjamini wayenguyise kaBhela izibulo lakhe, lo-Ashibheli indodana yesibili, lo-Ahara eyesithathu, 
loNoha eyesine loRafa indodana yesihlanu. 
Amadodana kaBhela ayeyila: u-Adari, uGera, u-Abhihudi, 
u-Abhishuwa, uNamani, u-Ahowa, 
uGera, uShefufani kanye loHuramu. 
Laba ngabosendo luka-Ehudi, ababezinhloko zezindlu zalabo ababehlala eGebha abaxotshelwa eManahathi: 
KunguNamani, lo-Ahija, kanye loGera owabaxotshayo njalo enguyise ka-Uza, lo-Ahihudi. 
Kulamadodana azalwa nguShaharayimi eMowabi ngemva kokwehlukana labafazi bakhe oHushimi loBhara. 
Emfazini wakhe uHodeshi wayelabantwana laba: uJobhabhi, loZibhiya, loMesha, loMalikhami, 
loJewuzi, loSakhiya kanye loMirima. Yiwo amadodana akhe, ayeyizinhloko zezindlu zawo. 
KuHushimi wazala u-Abhithubi lo-Eliphali. 
Amadodana ka-Eliphali ayeyila: u-Ebheri, uMishami, uShemedi (nguye owakha i-Ono leLodi lemizana eseduzane layo), 
kanye loBheriya loShema, bona bezinhloko zezindlu zalabo ababehlala e-Ayijaloni abayibo njalo abaxotsha ababehlala eGathi. 
U-Ahiyo, uShashaki, uJeremothi, 
uZebhadiya, u-Aradi, u-Ederi, 
uMikhayeli, u-Ishipha kanye loJoha bengamadodana kaBheriya. 
UZebhadiya, uMeshulami, uHizikhi, uHebheri, 
u-Ishimerayi, u-Iziliya, loJobhabhi kungamadodana ka-Eliphali. 
UJakhimi, uZikhiri, uZabhidi, 
u-Eliyenayi, uZilethayi, u-Eliyeli, 
u-Adaya, uBheraya kanye loShimirathi kungamadodana kaShimeyi. 
U-Ishiphani, u-Ebheri, u-Eliyeli, 
u-Abhidoni, uZikhiri uHanani, 
uHananiya, u-Elamu, u-Anithothija, 
u-Ifideya loPhenuweli bengamadodana kaShashaki. 
UShamisherayi, uShehariya, u-Athaliya, 
uJareshiya, u-Elija, kanye loZikhiri kungamadodana kaJerohamu. 
Bonke laba babezinhloko zezindlu, izinduna kusiya ngoluhlu losendo lwabo, njalo babehlala eJerusalema. 
UJeyiyeli uyise kaGibhiyoni wayehlala eGibhiyoni. Ibizo lomkakhe lalinguMahakha, 
njalo indodana yakhe elizibulo kwakungu-Abhidoni, eselanywa nguZuri, loKhishi, loBhali, loNeri, loNadabi, 
loGedori, lo-Ahiyo, loZekheri 
kanye loMikhilothi, owayenguyise kaShimeya. Laba labo babehlala eJerusalema eduze lezihlobo zabo. 
UNeri wayenguyise kaKhishi, uKhishi enguyise kaSawuli, uSawuli enguyise kaJonathani, loMalikhi-Shuwa, lo-Abhinadabi kanye lo-Eshi-Bhali. 
Indodana kaJonathani: kwakunguMeri-Bhali yena enguyise kaMikha. 
Amadodana kaMikha ayeyila: uPhithoni, uMeleki, uThareya kanye lo-Ahazi. 
U-Ahazi wayenguyise kaJehoyada, uJehoyada enguyise ka-Alemethi, lo-Azimavethi loZimri, njalo uZimri enguyise kaMoza. 
UMoza wayenguyise kaBhineya, loRafa eyindodana yakhe, lo-Eleyasa indodana yakhe kanye lo-Azeli indodana yakhe. 
U-Azeli wayelamadodana ayisithupha, amabizo awo eyila: u-Azirikhamu, loBhokheru, lo-Ishumayeli, loSheyariya, lo-Obhadaya kanye loHanani. Wonke la ayengamadodana ka-Azeli. 
Amadodana omfowabo u-Eshekhi ayeyila: u-Ulamu izibulo lakhe, uJewushi indodana yesibili kanye lo-Elifelethi eyesithathu. 
Amadodana ka-Ulamu ayengamaqhawe alezibindi ayezintshantshu zemitshoko. Babelamadodana amanengi lamadodana amadodana abo, babelikhulu elilamatshumi amahlanu sebendawonye (150). Bonke laba babeyinzalo kaBhenjamini.