1  * UGO 1.1,10I muduhia tar ineteninanine inggo ku banga toro pirik i Heuen o takapuk. Doha uau geku longoro baka uoumio gere kaling sira toro tuil, ke mene poluk pare, “Kaeitiehane maru turung ualasira totomua tar haua re turung pokosolaeit i uoum.” 2  * Ais 6.1Ahik me manasan, kare hikur Iabene Dedeil totoguo, doh gane i uoum totoguo, o toko ro tabtabila gero nasir toia, e tabila teilir tang siokor tamat. 3  * Isk 1.28A tukununar tamatonene re tabil e abeaba sira toro mahar jaspa,* “jaspa,” a palau a matia, karo abeab, karo bukbukir karo mahar konilian.† “konilian,” a palau a pon, karo abeab, karo matia, karo kubkubar Doho bato ko uiloho toro tabtabila roon o bukbukir sira toro mahar emiral.‡ “emiral,” a palaua ngohina pah ro galas a matia, karo abeabantiehe tun, karo bukbukir 4  * UGO 3.18Doh toro tabtabila roono rone ro nasir toia e toko uiloho ponor giniameh. A torikir hangaul, karo toueit, ra tabila teilir mamahoholik, gisina ra hiku teil tar gaugauilir hikhiku, kare nas keuar a nituha keip tar goul e moko tar lusisin. 5  * Isk 1.13; Sek 4.2; UGO 1.4; 8.5; 11.19; 16.18Toro tabtabila gero tok i uantinanina gero nasir toia e balbala turur kanau, kare pilar pil. Dohi uoum tang roon e mokor mouitir luh, a luhuntiehe tun. Ginina ter mouitir Iabenar nang God. 6  * Isk 1.5-10,22; 10.14Dohi uoum toro tabtabila roon a mamadelaua uaia tun misiana tar laur.

Gane i uoum uiloho toro tabtabil roon kaeis o toueitir inet o tua, doh tar tukunus uakapa tunusin e moko uiloho uakapar matas i uoum dohi mud. 7 A uakikilanganar inetesinasiner tua ngohinar laion,§ “laion,” a inete ngohina paha kusi, bo uleikintiehe tun a uatorikin ngohinar kau, a uatouonon a porenon ngohinar tamat, a uatoueitin ngohinar manulab. 8  * Ais 6.2-3; Isk 1.18; 10.12Doh tasisinar toueitir inetesinasiner tua a tonomo uakapar titiauas, kare uoun uiloho uakapar matana taninin gane ponompe i kotohia tar pang titiauasisin. Tar mamang mareinilik, kara mamang boungulik, gisin ahik pah ra pepe uaha tar kula pare,