Ngarnmanytjatjanya.
5.
Yatamaku tjamupirti-ya ngaapirinypa nyinarranytja. Tjiinya Mama Kuurrtu yarnangu pirninya yungarrapirinypa palyarnu. 
Tjiinya wati minyma palyaralpi walykumunu-pulampa watjarnu wantingu. Palunyalu yini ngaapirinypa “yarnangu” tjapirnu. 
Nyangka Yatamanya nyinarrayirnu kurli-ra 130 ngaralanyangka katja yartakanu mamangka yarangka. Palunyalu yini Tjiirrnga tjapirnu. 
Palunyalu nyinarrayirnu katja yurntalpa kutjupatjarranya puru yartakaranytja. 
Palunyalu kurli-ra 930 ngaralanyangka mirrirringu. 
Nyangka-ra Yatamaku katja Tjiirrnga nyinarrayirnu kurli-ra 105-pa ngaralanyangka katja yini Yiinatjanya yartakanu. 
Palunyalu nyinarrayirnu katja yurntalpa kutjupatjarranya yartakaranytja. 
Palunyalu kurli-ra 912-pa ngaralanyangka mirrirringu. 
Nyangka Yiinatjanya nyinarrayirnu kurli-ra 90 ngaralanyangka katja yini Kiinannga yartakanu. 
Palunyalu nyinarrayirnu katja yurntalpa kutjupatjarranya yartakaranytja. 
Palunyalu kurli-ra 905-pa ngaralanyangka mirrirringu. 
Nyangka Kiinannga nyinarrayirnu kurli-ra 70 ngaralanyangka katja yini Maalalilnga yartakanu. 
Palunyalanguru nyinarrayirnu katja yurntalpa kutjupatjarranya puru yartakaranytja. 
Palunyalu kurli-ra 910-pa ngaralanyangka mirrirringu. 
Nyangka Maalalilnga nyinarrayirnu kurli-ra 65-pa ngaralanyangka katja yini Tjarirrnga yartakanu. 
Palunyalanguru nyinarrayirnu katja yurntalpa kutjupatjarranya puru yartakaranytja. 
Palunyalu kurli-ra 895-pa ngaralanyangka mirrirringu. 
Nyangka Tjarirrnga nyinarrayirnu kurli-ra 162 ngaralanyangka katja yini Yiinakanya yartakanu. 
Palunyalu nyinarrayirnu katja yurntalpa kutjupatjarranya yartakaranytja. 
Palunyalu kurli-ra 962 ngaralanyangka mirrirringu. 
Nyangka Yiinakanya nyinarrayirnu kurli-ra 65-pa ngaralanyangka katja yini Matjutjalanya yartakanu. 
Palunyanguru nyinarrayirnu katja yurntalpa kutjupatjarranya yartakaranytja. Palunyalu Mama Kuurrta tirtu wangkarranytja yamatjingkapirinypa. 
Palunyalu kurli-ra 365-pa ngarangu. 
Tjiinya Yiinakanya Mama Kuurrta pukurlpa wangkapayi. Palunyalu nyinarrayirnu wiyarringu. Nyangka-ya purtu nyangu. Tjiinyamarntu Mama Kuurrtu mantjira katingu. 
Nyangka Matjutjalanya nyinarrayirnu kurli-ra 187-pa ngaralanyangka katja yini Lamikinya yartakanu. 
Palunyanguru nyinarrayirnu katja yurntalpa kutjupatjarranya puru yartakaranytja. 
Palunyalu kurli-ra 969-pa ngaralanyangka mirrirringu. 
Nyangka Lamikinya nyinarrayirnu kurli-ra 182 ngaralanyangka katja yartakanu. 
Palunyalu watjarnu, “Yuwa, tjilku ngaanguru-lan waarka purlkanya palyantjamaalarriku. Tjiinya Mama Kuurrtu manta kurrannyangka waarka purlkanya-lan palyaranytja. Nyangka tjilku ngaalu-lanya yirringkanku waarka purlkanya-lan palyaranyangka.” Nyangka tjilku palunyanya yini Nawanya tjapirnu. 
Nyangka Lamikinya puru nyinarra-wanarayirnu katja yurntalpa kutjupatjarranya yartakaranytja. 
Palunyalu kurli-ra 777-pa ngaralanyangka mirrirringu. 
Nyangka Nawanya nyinarrayirnu kurli 500-tjanulu katja marnkurrpa-tjananya yartakanu yini Tjiimanya, Yaamanya, Tjayipinya.